Açiq mənbələrdən foto.
Bakı/12.09.22/Turan: Son aylar Whatsapp ani mesajlaşma sistemində onlayn lotoreyaların təşkili, iştirakçıların qoyduqları pulun 5 qatını əldə edəcəkləri vədlərilə vətəndaşlar aldadılıblar. Bu barədə Daxili İşlər Nazirliyinin (DİN) yaydığı məlumatda deyilir.
Məlumata görə, bu işlə bağlı həm zərər çəkənlərin, həm də onları aldadanların əhatə dairəsi müəyyən edilib.
Baş Mütəşəkkil Cinayətkarlıqla Mübarizə İdarəsinin (BMCMİ) əməkdaşları tərəfindən həyata keçirilən əməliyyat-texniki tədbirlər nəticəsində vatsap qrupları yaradaraq guya onlayn lotoreya təşkil etməkdə təqsirli bilinən Aida Əliyeva və tanışı Gennadi Pavlov saxlanılaraq Baş İdarəyə gətiriliblər.
Araşdırmalar zamanı müəyyən edilib ki, bu şəxslərin kişi və qadın istifadəçilər üçün ayrı-ayrılıqda lotoreya təşkil etdikləri iki (2) "Whatsapp" qrupu olub. Kişilərin qrupunda adminliyi Gennadi Pavlov, qadınların qrupunda isə Aida Əliyeva həyata keçirib.
Hər iki qrupun isə birlikdə 1000-dən artıq üzvü olub. Saxlanılan şəxslər insanlarda inam yaratmaq üçün ödəniş etmələri barədə saxta ödəniş qəbzləri hazırlayaraq paylayıblar.
Faktlarla bağlı Cinayət Məcəlləsinin dələduzluq maddəsinin bir neçə bəndi ilə cinayət işi başlanılıb, Aida Əliyeva və Gennadi Pavlov barəsində məhkəmənin qərarı ilə həbs qətimkan tədbiri seçilib. 05D
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz