Açiq mənbələrdən foto.
Bakı/12.09.22/Turan: İkinci Qarabağ müharibəsi zamanı səfərbərliklə hərbi hissələrə cəlb olunmuş şəxslər Müdafiə Nazirliyinin qarşısında etiraz aksiyasını keçirib. Onlar "müharibə iştirakçısı" statusunun verilməməsindən şikayətçidirlər.
Aksiya iştirakçıları bildirib ki, müharibə zamanı könüllü kimi müraciət edərək səfərbərliklə müxtəlif hərbi hissələrə cəlb olunublar.
"Biz arxa cəbhədə olmuşuq. Əlimizdə silah da olub. Qarda, palçıqda da xəstə əsgərlərin əvəzinə xidmət etmişik. Hərbi hissənin yarısı döyüş əmrində olub. Qalanlar isə həmin döyüşənlərlə bir yerdə status alıb. Onlardan bizim fərqimiz nədir? Hətta İkinci dünya müharibəsində arxa cəbhədə olan şəxslərə müharibə iştirakçısı statusunu verirdilər," o qeyd edib.
Etirazçılar Müdafiə Nazirliyinə məsələ ilə bağlı dəfələrlə müraciət etdiklərini bildirib.
"Gah deyirlər ki, ilin axırı veriləcək, gah deyirlər ki, sizə düşmür. Niyə düşmür? Məni səfərbər edib voenkomata göndərmisən. Mən voenkomatdan çıxmışamsa, deməli döyüş əmri ilə hərbi hissəyə daxil olmuşam. Hətta orada təlimdə olmuşam," digər aksiya işrirakçısı qeyd edib.
Daha sonra aksiya iştirakçılarından 5 nəfər Müdafiə Nazirliyinə qəbula dəvət olunub. Aksiya insidentsiz başa çatıb.
“Müharibə veteranı” adının verilməsi ilə bağlı müraciətlərə cavab olaraq Müdafiə Nazirliyindən bildirilib:
“Müharibə veteranı” adının verilməsi üçün məlumatların “Zəfər” altsistemi vasitəsi ilə portala daxil edilməsi məqsədilə Müdafiə Nazirliyində fəaliyyət göstərən komissiyanın işi davam edir. Təqdim edilmiş sənədlər və daxil olmuş müraciətlər araşdırılır, qeydlərin düzgünlüyü dəqiqləşdirilir.
Dəfələrlə qanunvericiliyin tələblərinin çatdırılmasına baxmayaraq, verilən cavabla qane olmayan 9 nəfər vətəndaş sentyabrın 12-də Müdafiə Nazirliyinin qarşısına toplaşaraq yenidən əsassız iddialar səsləndirməklə ictimaiyyətdə yanlış fikir yaratmağa çalışıblar.
Həmin şəxslər Müdafiə Nazirliyində aidiyyəti şəxslər tərəfindən qəbul edilib və onların bir daha diqqətinə çatdırılıb ki, səfərbərliklə cəlb edilərək tamamlama məntəqələrində olduqlarına və birbaşa döyüş əməliyyatlarında iştirak etmədiklərinə görə onlara “Müharibə veteranı” adının verilməsi Nazirlər Kabinetinin müvafiq qərarının tələblərinə uyğun deyil.
Bütün vətəndaşları, xüsusən də sosial şəbəkə istifadəçilərini əsassız təxribatlara uymamağa, Vətən müharibəsində qazanılan qələbəyə kölgə salmamağa və Azərbaycan Ordusunun imicinə xələl gətirilməsi məqsədilə yayılan fikirləri paylaşmamağa çağırırıq.
Bildiririk ki, döyüş əməliyyatındakı iştirakı təsdiqlənən bütün vətəndaşların, sənədləri Nazirlər Kabinetinin müvafiq qərarına uyğun olaraq “Müharibə veteranı” adının verilməsi üçün “Zəfər” altsistemi vasitəsi ilə portala daxil edilmək üçün aidiyyəti komissiyaya təqdim olunacaqdır.-0-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz