Bakı/12.09.22/Turan: Sentyabrın 12-də Müsavat Partiyasının qərargahında həbs olunan jurnalist Əvəz Zeynallı və vəkil Elçin Sadıqovun həbsi, onların müsafiəsi ilə bağlı konfrans keçirilib.
Tədbirdə Pənah Hüseynov və Bəxtiyar Hacıyev bəyanatlar səsləndiriblər.
Konfransda Müsavat Partiyasının sədri Arif Hacılı, "Müdafiə Xətti" təşkilatının təsisçiləri, ictimai-siyasi fəallar çıxış ediblər. Onlar çıxışlarında bildiriblər ki, jurnalist Əvəz Zeynallı tənqidi çıxışlarına, vəkil Elçin Sadıqov isə siyasi motivlərlə həbs edilən ictimai-siyasi fəallara vəkillik etdiyinə görə həbs edilib.
Jurnalist Əvəz Zeynallını və vəkil Elçin Sadıqovu Vətəndaş Cəmiyyətinin müdaifə etməsi barədə ümumi razılıq əldə olunub.
Jurnalist Əvəz Zeynallı və vəkil Elçin Sadıqov sentyabrın 10-da saxlanılıb. Onların evlərində və ofislərində axtarış aparılıb.
Əvəz Zeynallı Cinayət Məcəlləsinin 311.3.3 (külli miqdarda rüşvət alma), Elçin Sadıqov isə 32,311.3.3 (külli miqdarda rüşvət almada iştirakçılıq) maddəsilə ittiham olunur. Bu maddədə 8 ildən 12 ilə qədər azadlıqdan məhrumetmə cəzası nəzərdə tutulub.
Onlar "Baku Steel Company" MMC-nin – poladəritmə zavodunun keçmiş rəhbəri Rasim Məmmədovun ailəsindən pul almaqda ittiham olunurlar.
Elçin Sadıqov 2021-ci ilin yanvarından həbsdə olan Rasim Məmmədovun vəkili idi. 0
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz