Açiq mənbələrdən foto.
Bakı/02.06.22/Turan: Dövlət Sərhəd Xidmətinin (DSX) "Göytəpə" sərhəd dəstəsinin əməkdaşları İrandan Azərbaycana qızıl-zinət əşyaları və tütün məmulatlarının qaçaqmalçılıq yolu ilə ilə keçirilməsinin qarşısını alıb. Bu barədə DSX-nin yaydığı məlumatda deyilir.
Hadisənin iyun ayının 1-də saat 03:20 radələrində Yardımlı rayonunun Avaş kəndi yaxınlığında yerləşən sərhəd zastavasının xidməti sahəsində qeydə alınıb.
Sərhəd naryadı tərəfindən 2 nəfər naməlum şəxsin dövlət sərhədini pozaraq İrandan Azərbaycana doğru hərəkət etməsi müşahidə edilib.
Sərhəd zastavası dərhal "Silaha" komandası ilə qaldırılıb, ərazi qapadılıb, yerli hüquq-mühafizə orqanları məlumatlandırılaraq, sərhəd pozucularının təqibinə başlanılıb.
Onlardan birinin Yardımlı rayonunun Avaş kənd sakini Mehman Quliyev olduğu müəyyən edilib. Quliyev həmkəndlisi Rahim Mayılovla birgə Nazim Ağayevin sifarişi əsasında İrandan qızıl-zinət əşyaları gətirmək üçün dövlət sərhədini pozduqlarını etiraf edib.
Quliyevin yaşadığı evə baxış zamanı 10 kiloqram 790 qram qızıla bənzər zinət əşyaları aşkarlanıb.
Cinayətin digər iştirakçısı Mayılov qaçaraq gizlənib, amma evinə baxış zamanı İrandan gətirilmiş 7050 qutu "MARLBORO" markalı siqaret aşkar olunaraq götürülüb.
Qaçaqmal sifarişçisi olan Nazim Ağayev saxlanılıb, Mayılovun axtarışı isə davam etdirilir, deyə DSX-nin məlumatında bildirilir. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz