13 saylı koloniyada 90-dan çox koronavirusa yoluxma

Bakı/14.05.20/Turan: 13 saylı koloniyada koronavirusa yoluxanların sayı artıb. Onların sözlərinə görə, son günlər 90-dan çox yoluxmuş şəxs koloniyadan çıxarılıb.

Beynəlxalq Bankın keçmiş rəhbəri Cahangir Hacıyevin bacısı Əminə Hacıyevanın sözlərinə görə, bu koloniyada sanitar-gigiyenik vəziyyət ağırdır.

“Koloniya daş karxanalarının yaxınlığında yerləşir, buradan məhbusların ciyərlərinə toz yığılır. Karantinlə əlaqədar məhbuslara yemək gətirilməsinə qadağa qoyulub. İmkanı olanlar koloniyanın mağazasından ərzaq alır. Bəzilərinin yemək almağa pulu. Pis qidalanma nəticəsində məhbusların immuniteti zəifləyib və kütləvi şəkildə yoluxurlar.

Mənim KİV vasitəsilə prezidentə müraciətimdən sonra Ədliyyə Nazirliyi yoluxanların olduğunu etiraf etdi. Ancaq əslində 33 xəstə deyil, daha çoxdur. Keçən şənbə günü Cahangir ilə telefonda danışdıq. O zaman test nəticəsində 28 xəstə müəyyən edilmişdi. Bu axşam yenidən zəng etdi və dedi ki, 96 xəstə məhbusu artıq koloniyadan çıxarıblar. Onun saxlandığı yerdən 30 xəstə aparıblar.

Müayinələr ekspress-testlər ilə aparılır, lakin onlar dəqiq deyil. Hətta temperaturu elektron termometrlərlə ölçürlər ki, bu da beş dəqiqədən sonra digər məlumatları göstərə bilir”, - Ə.Hacıyeva deyib.

“Cahangir son iki ayda dördüncü dəfə xəstələnib, ağır boğulma, öskürək var. Mən özüm həkiməm və hər dəfə ona dərman göndərirəm, amma xəstəliyinin nə olduğunu dəqiq bilmirəm. Ürək çatışmazlığından əziyyət çəkir və iki dəfə ürəyi tutub. Qardaşım risk qrupundadır”, - o qeyd edib.

“Məhkumları heç olmasa müvəqqəti koloniyalardan azad edib ev dustaqlığına keçirmək lazımdır”, - Ə.Hacıyeva hesab edir.

Siyasi məhbus Saleh Rüstəmlinin qardaşı Tale Rüstəmov da 13 saylı koloniyada koronavirusa kütləvi  yoluxma haqda məlumat verib.

“Hələ martın ortalarında karantin başlayanda çoxları xəstələndi. Koloniyaya qardaşım və daha 20 nəfər üçün üçün dərman verdim. Saleh hələ o zaman deyirdi ki, məhkumların gündə 2-3 dəfə bayılma keçirirlər. Ancaq heç bir müayinə aparılmayıb.

Yalnız bir məhkumu çıxarıblar. Bir həftə əvvəl məhkumlar kütləvi şəkildə xəstələnməyə başlayıb. Bundan sonra koronavirus üçün testlər aparmağa başlayıblar.

Bu gün Saleh zəng etdi və dedi ki, son günlər təxminən 90 nəfər koloniyadan çıxarılıb. Bu gün dərman apardım, amma qəbul etmədilər”, - T.Rüstəmov deyib.

Mayın 12-də Ədliyyə Nazirliyi penitensiar müəssisəlrədə, o cümlədən 13 saylı koloniyada 33 nəfərin yoluxduğunu bildirib.06D-