Açiq mənbələrdən foto.
Bakı/17.07.20/Turan: Son günlər Azərbaycan Xalq Cəbhəsi Partiyasının (AXCP) 8 fəalı saxlanılıb.
AXCP bildirir ki, İlham Əliyevin hökumətin iclasındakı çıxışında AXCP-yə qarşı yeni repressiya göstərişi artıq icra olunur. Bu saatlara qədər olan məlumatlar bundan ibarətdir ki, partiyanın Rəyasət Heyətinin üzvü, Qarabağ qazisi və keçmiş siyasi məhbus Asif Yusifli, fəallar Mətanət Turan, Fərid Əsədov, Məhəmməd İmanlı və Elvin Məmmədov 14-15 iyul Qarabağ yürüşündə iştirak etdikləri üçün saxlanılıb polis bölmələrinə aparılıblar. Onların haqqında hələlik daha ətraflı məlumat yoxdur. Bundan 2-3 gün qabaq isə partiyanın daha 2 üzvü həbs edilib. Arif Paşayev "Tovuz döyüşləri" barədə sosial şəbəkədəki müzakirələrdə fəal iştirak etdiyinə görə 30 sutka, Elvin Bəhmənoğlu isə Masallıda şəhid mayor Anar Novruzovun dəfnində iştirak etdiyinə görə 15 sutka inzibati həbsə məhkum edilib.
AXCP sədrinin müavini Seymur Həzi AXCP fəallarının saxlanılmasını qanunsuz addım hesab edir.
“Parlamentin binası qarşısında baş verən insidentdə AXCP fəalları iştirak etməyib. Bu AXCP-yə qarşı növbəti repressiya bəhanəsidir,” o Amerikanın Səsinə qeyd edib.
Vəkil Elçin Sadıqov bildirib kli, iyulun 14-dən 15-inə keçən gecə həbs edilən şəxslər 48 saatdan artıqdır qanunsuz olaraq həbsdədirlər və hələ də məhkəmə önünə çəxarılmayıblar.
"Bu, Azərbaycan Konstitusiyasının 28-ci maddəsinin (Azadlıq hüququ), Avropa İnsan Hüquqları Konvensiyanın 5-ci Maddəsinin (Azadlıq və toxunulmazlıq hüququ), İnzibati Xətalar Məcəlləsinin 89-cu maddəsinin ( İnzibati qaydada tutma müddətləri.), Cinayət-Prossesual Məcəlləsinin 148-ci maddəsinin ( Cinayət törətməsinə şübhə yarandıqda şəxsin tutulması) kobud şəkildə pozulmasıdır. Həbs olunanların insan ləyaqətini alçaldan və qeyri-insani şəraitdə saxlanılması, əksəriyyətinin polis bölmələrində insanların saxlanılması qadağan olunduğu halda saxlanılması ilə bağlı polisin qanunsuz hərəkətlərindən baş prokurora teleqram vasitəsilə şikayətlərimiz hələ də məqsədli şəkildə araşdırılmır və bu qanunsuzluqlar aradan qalxmır. Ombudsman aparatının da müdaxiləsi bir fayda vermir", deyə vəkil facebook səhifəsində yazıb. -03B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz