Açiq mənbələrdən foto.
Bakı/28.04.23/Turan: Daxili İşlər Nazirliyi (DİN) və Dövlət Sərhəd Xidməti (DSX) qaçaqmalçılıq yolu ilə ölkə ərazisinə gətirilən külli miqdarda narkotik maddələrin qanunsuz dövriyyəsinin qarşısını alıb.
Bu barədə Daxili İşlər Nazirliyinin Mətbuat Xidməti məlumat yayıb.
Məlumatda deyilir ki, Beyləqan rayonunda keçirilən tədbir zamanı paytaxt sakini əvvəllər məhkum olunmuş Tərlan Xasməmmədov saxlanılıb.
"Bu şəxsdən və sərnişin kimi əyləşdiyi avtomobildən tərkibi psixotrop maddələrlə zənginləşdiriləmiş, yüksək təsiredici xassəyə malik 100 kiloqram qurudulmuş marixuana və 60 kiloqram tiryək aşkar edilib. Xasməmmədov sorğu zamanı narkotik vasitələri İran vətəndaşı "Yaşar" adlı şəxsin vasitəsilə sərhədyanı bölgədə yerləşən Beyləqan rayonu, 2-ci Şahsevən kəndi ərazisində gizlədilən yerdən Bakı şəhərində müxtəlif ünvanlara çatdırıb pul qazanmaq üçün əldə etdiyini bildirib", deyə məlumatda qeyd edilir.
Xatırladaq ki, Azərbaycan hüquq-mühafizə orqanları, demək olar ki, hər gün İrandan qaçaqmal yolu ilə ölkə ərazisinə keçirlmiş on kiloqramlarla narkotik vasitə götürür. Son ay ərzində bir tondan çox narkotik götürülüb. Bir neçə gün öncə Naxçıvanda İrandan gələn yük avtomobilindən 400 kiloqramdan çox narkotik aşkar edilib. Narkotik ittihamı ilə yüzlərlə insan həbsdədir. Buna baxmayaraq, ölkədə qanunsuz narkotik daşınması ilə bağlı faktların sayı azalmır. 0
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz