190 və şəffaflığ

***

Nazirlik  buna son qoya bilər

İqtisadçı-ekspert Qalib Toğrul deyir ki, işsizliyə görə 190 manat müavinətin ödənişində kiminsə adına pay torpağı, VÖEN, ləğv olunmamış əmək müqaviləsi olması kimi məsələlər problem yaradır.   

Onun deməsinə görə, bunlar isə sırf qanunvericilkdən irəli gəlir və  “Məşğulluq haqqında” qanunda əksini tapır. 

Ekspertə görə, bu halda Əmək və Əhalinin Sosial Müdafiəsi Nazrilyi (ƏƏSMN) istəsə də onu dəyişə bilməz: “Bu kriteriya da deyil, sadəcə məşğul əhalini və isiz əhalini bir-birindən ayıra bilmək üçün qanunvericiliyin tələbidir. Baxmayaraq ki, əhalinin ən çox narazılıq etdiyi məsələlər də elə bunlardır. Amma müəyyən məsələlər var ki, nazirlik onu edə bilər.  Yardm alanların siyahısını öz səhifəsində yerləşdirə bilər. Beləliklə də bu söz-söhbətlərin sonuna nöqtə qoyar”, ekspert belə deyir.

Q.Toğrul deyir ki, bu müavinətlə bağlı “ailədə bir nəfər dövlətdən əmək haqqı, ünvanlı sosial yardım, pensiya alırsa digər ailə üzvlərinə verilməməsi” kriteriyasını isə Nazirlər Kabineti müəyyən edib.

Yoxsul, işsiz ayırd edilməlidir 

Ekspertə görə, burada yoxsulluq və işsizlik məsələləri ayrıd olunmalıdır. “Əgər bu yoxsullara verilən yardımdırsa bütün ailəyə şamil edilir, çünki yoxsulluq ailəyə aiddir. İşsizlərə verilən yardımdırsa onda ailədə kimin nə almasından asılı olmadan verilməlidir, çünki işsizlik konkret şəxsə aiddir”.

Onun sözlərinə görə bu da ona görə edildi ki, müavinət almaq üçün müraciət edən işsizlərin sayı rəsmi statisitkada  götəriləndən dəfələrlə çox oldu, bunun əhatəsini daraltmaq üçün bu kriteriyaya əl atdılar. 

Əmək müqaviləsi problemi

Q.Toğrul deyir ki, daha bir problem əmək müaviləsinin ləğv olunmaması məsələsidir: “Bununla tez-tez rastlaşırıq. İşçi işdən çıxır, başqa işə girmək istəyir, amma sistemə sala bilmirlər, çünki adına əmək müqaviləsi var. Ən maraqlısı isə bu ki, əmək müqaviləsinin qanunvericiliklə ləğv olunması proseduru yoxdur”.           

Şəffaflıq həmişə lazımdır

Deputat Razi Nurulla isə deyir ki, şəffaflıq həmişə lazımdır: “ Əgər bu mümkündürsə, niyə də olmasın. Niyə müxtəlif fikirlər səsləndirilsin, iddialar ortaya atılsın və ya qaranlıq məqamlardan danışılsın. Təbii ki, buna imkan varsa olmalıdır”.

Meyarlar sadələşdirilir

Onun sözlərinə görə, işsizliklə bağlı 190 manat ödəniş üçün meyarlar kifayət qədər sadələşdirlib, bu məsələ artıq həllini tapmağa doğru gedir, hətta insanların adına pay torpağı, digər əmlak, avtomobil varsa onların da problemlərinin həll olunması üçün meyarlar hazılanır, müəyyən ilər aparıacaq: “Belə görünür ki, bütün ehtiyaclı insanlar dövlətdən müəyyən yardım ala biləcəklər. Cəmiyyət də buna haqlı olaraq israr etdi, çünki evdə qalırsa tətləbatı ödənilməlidir, təkcə “evdə qal” deməklə evdə qalmaq olmir. Ona görə də dövlət müəyyən addımlar atır, ümid deək ki, heç bir kəs narazı qalmayacaqvə hər kəs haqq etdiyi vəsaiti ala biləcək”.

Xatırlatma

2019-cu ilin sonlarına doğru Çində yeni koronavirus aşkar edilib. Sonra bu virus sürətlə dünyanın əksər ölkələrinə yayılıb. Artıq dünyada bu virusda yoluxanlardan 170 mindən çox şəxsin vəfat etdiyi bildirilir. Azərbaycanda isə hazırkı dövrədək 1436 nəfərin koronavirus infeksiyasına yoluxduğu müəyyən edilib. Onlardan 19 nəfər vəfat edib. Martın 14-dən, əksər ölkələr kimi, Azərbaycanda da bununla bağlı kütləvi tədbirlər ləğv edilib. Habelə, martın 3-dən orta və ali məktəblərdə dərslər dayandırılıb. Sonra martın 24-dən aprelin 20-nə kimi xüsusi karantin rejimi elan edilib. Bu rejimdə 65 yaşdan yuxarı şəxslərin evdən çıxmasına icazə verilməməsi və başqa hallarla bağlı qadağalar yer alıb. Aprelin 5-dən isə xüsusi karantin rejimi çərçivəsində ölkədə hərəkət məhdudiyyətləri müəyyən olunub. Bu qaydaya görə, dövlət əhəmiyyətli sahələrdə çalışanlardan başqaları yalnız tibbi zərurət yarananda, mağazaya, aptekə gedəndə evdən çıxa bilər. Bundan ötrü isə onlar 8103 nömrəsinə SMS göndərməlidirlər.Aprelin 18-də karantin rejimi eyni qaydalarla mayın 4-nə kimi uzadılıb.