Bakı/27.03.20/Turan: Son günlər həbsxanalardan 200 məhbus azad edilib. Ədliyyə Nazirliyinin mətbuat xidmətinin məlumatına görə, onların işlərinə növbətçi hakimlər tərəfindən təxirəsalınmaz qaydada baxılıb.
Hüquq müdafiəçisi Novella Cəfəroğlunun sözlərinə görə, insan hüquqları üzrə İşçi Qrupu koronavirus pandemiyası ilə əlaqədar məhkumların vaxtından əvvəl azad edilməsi xahişilə Prezident Administrasiyasına müraciət edib.
“Cəza müddətinin bitməsinə az vaxt qalan məhbusların azadlığa buraxılmasına başlanılıb. Hələlik cəza müddətinin bitməsinə 3 ay qalanlar azad edilir. Sonra bu qərar cəza müddətinin bitməsinə 6 və 9 ay qalanlara da şamil olunacaq. Proses aprel ayında da davam edəcək”, - N.Cəfəroğlu Turan agentliyinə bildirib.
Bundan əlavə, hüquq-müdafiə təşkilatlarının Monitorinq qrupunun üzvləri siyasi məhbusların da azad edilməsi xahişilə müraciət edib.
“Monitorinq qrupu hesab edir ki, siyasi məhbus kimi tanınan şəxslərin azadlığa buraxılması beynəlxalq təzyiqin nəticəsi kimi deyil, Azərbaycan dövlətinin humanizm aktı kimi qiymətləndirilməlidir”, - N.Cəfəroğlu deyib.
Müxtəlif hüquq-müdafiə qurumlarına görə, Azərbaycanda 110-dan 130-a qədər siyasi məhbus var.03D06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz