46 pandemiya tibb müəssisəsindən 7-si fəaliyyətini davam etdirir

Bakı/30.03.22/Turan: 46 pandemiya tibb müəssisəsindən 39-u fəaliyyətini dayandırıb. Bu barədə Tibbi Ərazi Bölmələrini İdarəetmə Birliyindən bildiriblər.

7 saylı Uşaq Yoluxucu Xəstəxanası, FHN Modul, Quba Rayon Mərkəzi Xəstəxanası, Kiliniki Tibbi Mərkəzi, Gəncə Modul, Sabirabad Rayon Mərkəzi Xəstəxanasının Pandemiya tibb müəssisəsi bu istiqamətdə fəaliyyətini dayandırıb.

Masallı Rayon Mərkəzi Xəstəxanasının fəaliyyəti isə qismən davam edir.

Hazırda 46 pandemiya tibb müəssisəsindən 7-si fəaliyyətini davam etdirir.

Bakı-Abşeron bölgəsi üzrə 4 tibb müəssisəsi - Yeni Klinika, Mərkəzi Gömrük Xəstəxanası, Məhəmmədli modul, Elmi-Tədqiqat Ağciyər Xəstəlikləri İnstitutu, qərb bölgəsi üzrə isə Ağdaş Rayon Mərkəzi Xəstəxanası, Şəmkir Rayon Kür Qəsəbə Xəstəxanası, cənub bölgəsi üzrə Masallı Rayon Mərkəzi Xəstəxanası fəaliyyətini qismən davam etdirir. -05D-