73 milyon manatı mənimsədiyinə görə həbs olunmuş şəxs vaxtından əvvəl azadlığa buraxılıb
Bakı/15.03.19/Turan: Rabitə Nazirliyi aparatının keçmiş rəhbəri Vidadi Zeynalov cəzasının 4/5 hissəsini çəkməsilə əlaqədar bu gü vaxtından əvvəl şərti olaraq azadlığa buraxılıb.
O 2015-ci ilin noyabrında həbs olunmuşdu və 73 mln. manatı mənimsədiyinə, sui-istifadə və vəzifə səlahiyyətinı aşdığına görə 13 il azadlıqdan məhrum edilmişdi. Sonradan Apellyasiya Məhkəməsi cəza müddətini 4 ilədək azaldıb. Rabitə Nazirliyinin digər beş nəfər yüksək vəzifəli məmuru şərti olaraq azadlıqdan məhrum edilib.
V.Zeynalovun bu gün azadlığa buraxılması sosial şəbəklərdə kəskin reaksiyaya səbəb olub. Belə ki, AXCP mətbuat xidmətinin rəhbəri Natiq Adilov qeyd edib ki, 73 mln. manatı mənimsədiyinə görə həbs edilmiş V.Zeynalov artıq azadlıqdadır, korrupsiyaya qarşı mübarizə aparanlar isə həbsdə.
Öz növbəsində AXCP lideri Əli Kərimli sual edib: Vidadi Zeynalovu azadlığa buraxan hökumət korrupsiya ilə mübarizə apara bilərmi? O, V.Zeynalovun yüksək səviyyədə himayə olunduğunu hesab edir.
Jurnalist Natiq Cavadlı qeyd edib ki, V.Zeynalovun həbs müddətini 13 ildən 4 ilə endirirlər, sonra buraxırlar, 1,2 il həbs cəzası qalan hüquq müdafiəçisi Əliabbas Rüstəmovu, yarım ildən az cəza müddəti qalmış jurnalist Seymur Həzini azad etmirlər.
"Azərbaycanda ədalətsizlik hökm sürür, məhkəmə yoxdur, hər şeyi bir nəfər həll edir", - N.Cavadlı yazıb. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz