Açiq mənbələrdən foto.
9-cu gündür ki, Almaniya kanslerinin ofisinin qarşısında Tofiq Yaqubluya dəstək olaraq aclıq aksiyası keçirilir (Video)
Bakı/15.09.20/Turan: Almaniyada siyasi mühacirətdə olan keçmiş “vicdan məhbusu”, jurnalist Əfqan Muxtarlı artıq 9 gündür ki, Berlində Almaniya kansleri Angela Merkelin ofisinin qarşısında aclıq aksiyası keçirir.
Ə.Muxtarlı Turan agentliyinə bildirib ki, aksiya Azərbaycanda həbsdə olan müxalifətçi siyasətçi, 14 gündür aclıq edən Tofiq Yaqublu ilə həmrəylik əlaməti olaraq keçirilir.
“Ötən müddətdə aclıq aksiyasına 15 nəfər siyasi mühacir qatılıb. Bəzilərinin vəziyyəti pisləşib. Aclığın 4-cü günündə Orxan Ağayevi “təcili yardım” ilə xəstəxanaya aparıblar”, - Ə.Muxtarlı bildirib.
Jurnalist hesab edir ki, prezident İlham Əliyev yaxın vaxtlarda Tofiq Yaqublunu azad etməlidir. Əks halda, onun ölümünə görə məsuliyyət daşıyacaq.
Onun sözlərinə görə, beynəlxalq təşkilatlar və Almaniyanın ayrı-ayrı dövlət xadimləri T.Yaqublunun işi ilə yaxından maraqlanırlar.
“Ümumiyyətlə, Almaniyanın tarixində heç vaxt kanslerin ofisi qarşısında adamların çadır quraraq 10 gün aclıq aksiyası keçirməsi kimi etiraz olmayıb. Alman cəmiyyəti bu aclığa çox həssasdır. Adi vətəndaşlar bizə yaxınlaşırlar və aksiyanı dayandırmağı təklif edirlər”, - Ə.Muxtarlı deyib.
16 sentyabr icazəli aclığın son günüdür. – 16B06
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz