Açiq mənbələrdən foto.
Bakı/15.09.20/Turan: Azərbaycan Ali Məhkəməsi infoplyus.tv saytının təsisçisi Cəlal Məmmədovun barəsində qərarı ləğv edib və işi təkrar baxılmaq üçün Bakı Apellyasiya Məhkəməsinə göndərib.
C.Məmmədov cinayət təqibini əsassız hesab edir və bəraət verilməsinə təkid edir.
Onun anası Nərminə Məmmədova Turan-a bildirib ki, Cəlal 2019-cu ilin avqustunda hədə-qorxu ilə tələb etmək ittihamı üzrə 5 il, 3 ay müddətinə azadlıqdan məhrumetmə cəzasına məhkum edilib.
Onun sözlərinə görə, infoplyus.tv saytında əxlaqsızlıq yuvaları haqda faktlar ifşa edildikdən sonra Məmədov saxta ittiham əsasında həbs edilib.
“Cəlaldan şikayət edən şəxs vaxtilə Jam.az saytının rəhbəri Fikrət Fərəməzoğluya da şər atıb. O da mühakimə olunub, sonradan əfv edilib. Nəticədə bu adamın özünü əxlaqsızlıq yuvaları saxladığına görə mühakimə ediblər. Lakin o, oğlumdan əl çəkmir. Bakı Apellyasiya Məhkəməsi azadlıqdan məhrumetmə müddətini 2 il 3 aya qədər azaltsa da bundan kassasiya şikayəti verilib. Bundan sonra Ali Məhkəmə işi təkrar baxılmaq üçün Apellyasiya Məhkəməsinə göndərib”, - N.Məmmədova bildirib. O əmindir ki, onun oğlu prezidentin keçmiş köməkçisi Əli Həsənovun təqibinin qurbanı olub.
“Oğlumun həbsinin arxasında prezidentin keçmiş köməkçisi Əli Həsənov dayanır. Cəlal hakimiyyətin KİV sahəsində siyasətini tənqid edib. Əli Həsənovu işdən çıxardılar və onun fəaliyyətinin nəticələri də aradan qaldırılmalıdır”, - N.Məmmədova deyib.
O qeyd edib ki, oğlu Azərbaycan prezidentinə müraciət edib və dövlət başçısından ədalətin bərpa olunmasını xahiş edir.
Yaxın vaxtlarda Bakı Apellyasiya Məhkəməsində işə təkrar baxılması gözlənilir.06D-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz