Tofiq Yaqublunun vəkilinə və qızına görüş verməyiblər

Bakı/15.09.20/Turan: Sentyabrın 15-də vəkil Aqil Layic müdafiə etdiyi müxalifətçi Tofiq Yaqublu ilə görüşə bilməyib. T.Yaqublu 14 gündür ki, aclığı davam etdirir və “City Hospital klinikasının reanimasiya şöbəsindədir.

Onun qızı Nigar Həzini də müxalifətçinin yanına buraxmayıblar. “Vəkil istənilən vaxt müdafiə etdiyi şəxsi ziyarət etmək hüququna malikdir, odur ki, bu, qanunsuzdur”, - o deyib.

Nigar bildirib ki, atasının vəziyyəti ağır olaraq qalır, həkimlərin sözlərinə görə, o, gündən-günə zəifləyir.

“Mən artıq dördüncü gündür ki, onunla danışa bilmirəm. Mənim müraciətlərimə cavab yoxdur. Bu gün onun sağlamlığı ən vacib məsələdir, məsələnin hüquqi tərəfi ikinci plana keçib”, - vəkil deyib.

Xatırladaq ki, T.Yaqublu onu 4 il, 3 ay müddətinə azadlıqdan məhrum etmiş məhkəmənin ədalətsiz qərarına etiraz edərək aclıq aksiyasına başlayıb.

T.Yaqublu siyasi məhbus kimi tanınıb. Beynəlxalq təşkilatların və yerli ictimai xadimlərin çoxsaylı tələb və müraciətlərinə baxmayaraq, hakimiyyət uydurma xuliqanlıq ittihamı ilə həbs olunmuş müxalifətçinin azad edilməsi çağırışlarına məhəl qoymur.-03B-