Фото из открытых источников
Bakı/22.02.18/Turan: Azərbaycan Nazirlər Kabineti Dövlət İmtahan Mərkəzinin (DİM) təklifi əsasında ölkənin ali təhsil müəssisələrinə tələbə qəbulu qaydalarına dəyişiklik edib. Yeni normativ sənədə görə, I-IV ixtisas qrupu üzrə qəbul imtahanları ümumtəhsil müəssisələrini nə vaxt bitirməsindən asılı olmayaraq, bütün abituriyentlər üçün hər il yaz və yay sessiyaları formatında keçiriləcək.
Ali məktəblərə daxil olanlar üçün bu cür test formatı ötən il sınaqdan keçirilib və öz effektivliyini göstərib. Qəbul imtahanlarının iki mərhələli modeli ixtisas seçimi üzrə müsabiqədə iştirak etmək üçün iddialıların öz göstəricilərini yaxşılaşdırmasına imkan verir.
Ali təhsilin bakalavr pilləsi üzrə ixtisasların siyahısı (ixtisaslaşma) ilə bağlı başqa yeniliklər də var.
Belə ki, I qrupa "İnformasiya texnologiyaları", "Sistem mühəndisliyi", "Sənaye mühəndisliyi", "Logistika və nəqliyyat texnologiyaları mühəndisliyi" ixtisasları daxil edilib.
Bundan əlavə, Nazirlər Kabineti "Ali təhsilin magistr pilləsi üzrə ixtisasların (ixtisaslaşma) təsnifatı"na dəyişiklik edib. Magistratura üzrə "Humanitar və sosial ixtisaslar qrupu" bölməsində aşağıdakı ixtisaslar yaradılıb: "İnzibati hüquq, inzibati proses, iqtisadi və maliyyə hüququ", "Tibbi hüquq", " Əqli mülkiyyət hüququ", "Əmək hüququ: sosial təminat hüququ", "İdman hüququ", "Turizm hüququ".
"Mədəniyyət və incəsənət ixtisasları qrupu" bölməsinə " Musiqi texnologiyaları" ixtisası, "İqtisadiyyat və idarəetmə ixtisasları qrupu" bölməsinə "Davamlı inkişafın siyasi idarə edilməsi", "Davamlı inkişafda insan potensialı", "Davamlı inkişafın planlaşdırılması", "Davamlı insan inkişafı" və "Davamlı inkişafda təbii ehtiyatların idarə edilməsi" ixtisasları daxil edilib.
"Təbiət ixtisasları qrupu" bölməsinə "Kosmologiya" ixtisası, "Səhiyyə, rifah və xidmət ixtisasları qrupu"bölməsinə "Gənclərlə iş" ixtisası daxil edilib.
Xatırladaq ki, imtahanlarda iştirak etmək üçün sənəd qəbulu martın 29-da başlayacaq və aprelin 30-dək davam edəcək. DİM-in mətbuat xidmətinin məlumatına görə, II və III ixtisas qrupu üzrə ilk (yaz) imtahan mayın 13-də keçiriləcək. Mayın 20-də I və IV ixtisas qrupu üzrə imtahan olacaq. Yay mərhələsində imtahanlar I və IV ixtisas qrupu üzrə iyulun 18-də, II və III ixtisas qrupu üzrə iyulun 26-da keçiriləcək.-0-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz