Abituriyentlərə məsləhətlərlə kömək edəcəklər

Bakı/10.04.18/Turan: Dövlət İmtahan Şurası (DİŞ) bütün ölkə üzrə abituriyentlər üçün geniş məsləhət mərkəzləri şəbəkəsinin təşkilini nəzərdə tutan yeni layihə işə salıb. İlk belə layihə aprelin 9-dan paytaxtda "Azərbaycan" Universitetinin bazasında fəaliyyətə başlayıb.

DİŞ-in mətbuat xidmətindən verilən məlumata görə, məsləhət mərkəzlərinin yaradılmasının məqsədi Azərbaycanın ali və orta ixtisas təhsil müəssisələrinə daxil olan abituriyentlərə yardım etməkdir. Bu mərkəzlərdə namizədlərə ali və orta ixtisas məktəblərinə qəbul qaydalarını, elektron ərizələrin doldurulması və təsdiqi ilə bağlı texnoloji proseduru, bu proses zamanı yaranan texniki problemlərin həlli yollarını izah edəcək ekspertlər işləyəcək. Bundan başqa, mərkəzə gələn gənclər müsabiqə şərtləri haqqında maksimum məlumat əldə edəcəklər, ixtisas seçimi zamanı şansı düzgün qiymətləndirmək üçün buna diqqət yetirmək lazımdır.

"Azərbaycan" Universitetində açılan məsləhət mərkəzi həftənin 5 günü (şənbə və bazar istisna olmaqla) saat 10.00-dan 17.00-a qədər işləyəcək. Xidmətlər pulsuz göstəriləcək. -0-