ABŞ səfiri Qubada xalça toxuculuq müəssisəsi
Amerika Birləşmiş Ştatları və Azərbaycanın birgə səyləri nəticəsində Qubanın Alpan, Uzunmeşə, Kürkün və Susay kəndlərinin sakinləri xalça toxuculuq müəssisəsi layihəsinin sona çatmasını qeyd etdilər. Səfir Robert Sekuta və Amerika İnkişaf Agentliyinin (USAID), İqtisadiyyat Nazirliyinin, Quba İcra Hakimiyyətinin və yerli bələdiyyə qurumunun nümayəndələri tədbirdə iştirak etdilər. Müəssisənin açılışı zamanı Səfir Sekuta qeyd etdi ki, "qadınların iqtisadi bacarıqlarının gücləndirilməsi hər bir icma üçün, hər bir xalq üçün labüddür. Vacibdir ki, bu bölgənin qadınları öz icmalarına səmərəli töhfə vermək üçün lazımi alət və təcrübəyə malik olsunlar."
USAID və Azərbaycan hökumətinin maliyələşdirdiyi bu layihəyə Şərq-Qərb İdarəetmə İnstitutu (EWMI) rəhbərlik etmişdir. Layihə qədim xalça toxuculuğu sənətini qoruyacaq və canlandıracaq. Layihə çərçivəsində bu beş kənddə 30-a yaxın qadın peşə təlimi ilə təmin olunacaq və biznes imkanları əldə edəcəklər. ABŞ və Azərbaycan USAID-in İctimai-İqtisadi İnkişaf Fəaliyyəti (SEDA) proqramı vasitəsilə Azərbaycanın 95 icmasında 108 icma layihəsi həyata keçirmişdir və 165 000 insan bu layihələrdən yararlanmışdır. SEDA proqramı ictimai-siyasi inkişafa nail olmaq və kənd yerlərində yaşam şəraitini yaxşılaşdırmaq məqsədilə EWMI və yerli hakimiyyət tərəfindən həyata keçirilir.
Qubaya səfəri zamanı Səfir Sekuta Qubadakı Gümbəzli hamamının bərpa prosesinin gedişatı ilə tanış olmaq imkanı əldə etdi. Gümbəzli hamamı unikal tarixi abidədi və hal-hazırda Səfirlərin Mədəni İrsin Qorunması Fondu vasitəsilə ABŞ Səfirliyi və yerli tərəfdaşlar tərəfindən bərpa edilir. Gümbəzli hamamının unikallığı onun qismən yeraltı arxitekturasındadır və bişmış qırmızı kərpicdən istifadənin ilkin nümunələrindən olmasındadır. Layihə 2014-cü ildə başladılmış və bərpa işlərinin ikinci mərhələsindədir. 2018-ci ilin martında tamamlanması gözlənilir.
Səfir həmçinin yerli yəhudi icması ilə görüşmüş, Deşiva məktəbini gəzmiş və sinaqoqa baş çəkmişdir. Bu barədə ABŞ səfirliyi xəbər verir.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz