Bakı/04.06.22/Turan: İyunun 4-də ABŞ səfirliyi Azərbaycan Dillər Universitetində yerləşən Bakı Amerika Mərkəzində, “EducationUSA”in 12-ci illik Məzun Sərgisinə qoşulub. Tədbir perspektivli bakalavr tələbələri və məzunlar üçün ABŞ kollec və universitetlərində təhsil imkanları haqqında məlumat əldə etmək imkanı yaradıb. Bu barədə ABŞ səfirliyi xəbər verir.
Yarmarkada ABŞ-də təhsil almış azərbaycanlılar tələbələrlə söhbət etmək, sualları cavablandırmaq və Birləşmiş Ştatlarda təhsili təşviq etmək üçün ABŞ diplomatları ilə birlikdə iştirak ediblər. Yarmarkaya ABŞ-nın 25-dən çox ali təhsil müəssisəsinin nümayəndələri, o cümlədən böyük dövlət universitetləri, icma kollecləri və liberal sənət kollecləri daxil idi. Yarmarkada iştirak edən məzunlar ABŞ-də ali təhsil almaq üçün seçimləri izah edib və müxtəlif kollec və universitetlərdən danışaraq, hər bir tələbəyə ən uyğun olan məktəbi tapmaq üçün müxtəlif seçimləri araşdırmağa həvəsləndiriblər.
ABŞ səfiri Örl (Li) Litzenberqer tədbirdə iştirak edərkən deyib:
“Mən Midlberi Kollecinin fəxri məzunuyam, lakin bu gün tanış olduğum bir çox perspektivli gənc tələbələrə dediyim kimi, ABŞ-də hansı kollec və ya universitetdə oxumasından asılı olmayaraq, Amerika təhsili ilə heç nəyin müqayisə olunmadığını görəcəklər. Təhsilin keyfiyyəti, məzunlar şəbəkəsinin gücü və Amerikada işləmək bacarığı ABŞ-də təhsil almaq üçün böyük fürsət yaradır. Amerika təhsilinin tələbələri həyat müvəffəqiyyətinə necə hazırlandığını görmək üçün sadəcə azərbaycanlı məzunlarımızın bu ölkədə tutduğu nüfuzlu mövqelərə baxmağınız kifayətdir”.
“EducationUSA” ABŞ Dövlət Departamentinin 170-dən çox ölkədə 400-dən çox beynəlxalq tələbə məsləhət mərkəzini birləşdirən şəbəkəsidir. Şəbəkə ABŞ-də akkreditə olunmuş ali təhsil müəssisələrində təhsil almaq imkanları haqqında dəqiq, hərtərəfli və aktual məlumatlar təqdim etməklə bütün dünyada tələbələrə ABŞ ali təhsilini təbliğ edir. “EducationUSA” ABŞ ali təhsili ilə bağlı rəsmi mənbənizdir.
Bakıdakı “EducationUSA Məsləhət Mərkəzi”, “Beynəlxalq Təhsil üzrə Amerika Şuraları”nın bir hissəsidir. “EducationUSA” ABŞ-nın Bakıdakı Səfirliyinin dəstəyi ilə hər il iki yarmarkaya ev sahibliyi edir: “ABŞ Ali Təhsil Sərgisi” və “EducationUSA Məzun Sərgisi”. Bunlara əlavə olaraq, “EducationUSA”, “Dayanıqlı Təbliğat Proqramı”nı və “Rəqabətli Kollec Klubu”nu dəstəkləyir. --0-
Cəmiyyət
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
Rəy yaz