Saleh Rüstəmov
Bakı/29.11.21/Turan: “Saleh Rüstəmlinin vəziyyəti çox kritikdir. Oynaqlarında şiddətli ağrılar başlayıb. Güclə yeriyir", - noyabrın 29-da vəkil Bəhruz Bayramov Saleh Rüstəmli ilə görüşdən sonra bildirib. Rüstəmli 24 sutkadır ki, aclıq edir.
Vəkilin sözlərinə görə, yaxınları onu quru aclığa keçməməyə razı salmağa çalışıblar. Ancaq o israrlıdır.
Həkimlərin sözlərinə görə, Rüstəmli quru aclıq aksiyasına keçərsə 12-14 saat ərzində komaya düşə bilər və onu xilas etmək mümkün olmayacaq.
Bundan öncə vəkil Rüstəmlinin işinə yenidən baxılması xahişilə Ali Məhkəmənin Plenumuna müraciət edib.
Beynəlxalq təşkilatlar, Azərbaycan ictimaiyyət nümayəndələri hakimiyyəti Rüstəmlini azad etməyə çağırıblar.
* Azərbaycan Xalq Cəbhəsi Partiyasının tərəfdarı Saleh Rüstəmli 2018-ci ilin mayında həbs edilib və " Azərbaycan Xalq Cəbhəsi Partiyasının qanunsuz maliyyələşdirilməsi" adlanan iş üzrə 7 il 3 ay müddətinə azadlıqdan məhrum edilib. Hüquq müdafiəçiləri onu siyasi məhbus kimi tanıyıblar. Sonradan Ali Məhkəmə cəza müddətini 2 ay azaldıb. Noyabrın 6-dan azadlıq tələbilə müddətsiz aclıq edir. —06D-
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz