Aclıq aksiyası davam etdirilir

Bakı/16.01.19/Turan: "Mehman Hüseynova və bütün siyasi məhbuslara azadlıq" tələbi ilə yanvarın 4-dən başlanmış aclıq aksiyası davam edir. Hazırda Müsavat Partiyasının mənzil qərargahında 6 fəal aclığı davam etdirir. Bu barədə aclıq edənlərdən jurnalist Xədicə İsmayıl "Amerikanın Səsi"nə bildirib.

Onun sözlərinə görə, yanvarın 4-dən aclıq edən Müsavat Partiyasının divan üzvü Tofiq Yaqublu bu gün aclığı dayandırıb. Yaqublunun səhhətində ciddi problemlər yaranıb və onun təzyiqi 95/85 olub.

Hazırda Müsvat Partiyasının qərargahında Natiq İsrafilli, Rövşən Niftalızadə, Xədicə İsmayıl, Aygün Cəfərova, Rafiq Baxışov (həbsdə olan AXCP fəalı Orxan Baxılının atası) və Zəfər Əhmədli (həbsdə olan AXCP fəalı Fuad Əhmədlinin atası) aclığı davam etdirir.

Xədicə İsmayılın dediyinə görə, aclıq edənlərə həkim nəzarəti var.

"Yaxınlıqdakı 21 saylı poliklinikanın həkimləri gündə iki dəfə aclıq edənləri müayinə edir", deyə o qeyd edib.

Həbsdə olan bloger Mehman Hüseynova qarşı 2018-ci il dekabrın 26-da yeni cinayət işi başlanılıb. O, 14 saylı cəzaçəkmə müəssisəsinin əməkdaşına xəsarət yetirməkdə ittiham olunur. Bloger ittihamın yalan və böhtan olduğunu bildirib.

O, dekabrın 26-dan etiraz olaraq quru aclığa başladığını bəyan edib. Hazırda bloger maye süd məhsulları içsə də, qida qəbulundan imtina etməkdə davam edir.

Mehman Hüseynov 2017-ci il martın 3-də 2 il azadlıqdan məhrum edilib. O, Nəsimi Rayon Polis İdarəsinin rəisi Musa Musayevin xüsusi ittiham qaydasında qaldırdığı iddia əsasında cəzalandırılıb - polisə böhtan atmaqda təqsirli bilinib.

Mehman Hüseynov həbsinin sosial şəbəkələrdə yaydığı ifşaedici videolarla bağlı olduğunu bildirib.

Blogerə dəstək aksiyaları ara vermir. Müsvat Partiyasının mənzil-qərargahında blogerə dəstək məqsədi ilə ictimaiyyətin nümayəndələri aclıq aksiyası keçirirlər. Berlində Azərbaycan səfirliyi qarşısında və Avropanın digər şəhərlərində dəstək aksiyaları olub.

Həbsdə olan ondan çox siyasi məhbus kimi tanınan şəxsin də aclıq aksiyasına qoşulduğu bildirilir. -0-

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti