Bakı/06.10.17/Turan: Azərbaycan Demokrat Partiyası (ADP) sədrinin müavini, 5 ildir ki, Bakı Şəhər Təcili Yardım Stansiyasında həkim işləyənHəsrət Rüstəmov bu gün işdən çıxarılıb. Bu haqda Turan-a H. Rüstəmov özü bildirib.
O, işdən çıxarılmağının sırf siyasi motivlərlə bağlı olduğunu deyib: "Demokratik Qüvvələrin Milli Şurasının sentyabrın 23-də keçirdiyi aksiyadan sonra mənə təzyiqlər başladı. Ancaq heç düşünməzdim ki, təzyiqlər bu səviyyəyə çatacaq. Axı hər zaman ictimai-siyasi fəaliyyətim göz önündə olmuşdu, mediaya açıqlamalarım davamlı idi, ancaq təzyiqlər bu həddə gəlib çatmamışdı". H.Rüstəmov güman edir ki, baş həkimə lap yuxarı səviyyədə göstəriş olub.
Onun sözlərinə görə, əvvəlcə cəza vermək istəyiblər, ancaq işində qüsur tapılmayıb, ardınca artıq işdən çıxarılmağı üçün göstəriş verildiyi barədə məlumat əldə edib: "B gün işə Bakı Şəhər Təcili Yardım Stansiyasının 3 saylı bölməsinə, iş yerimə getdim, müdir barəmdə əmr olduğunu bildirərərk işə buraxmadı. Amma əmri özümə təqdim etməyiblər".
H.Rüstəmov bu addımı əmək hüquqlarının pozulması adlandırıb və hüquqlarını sonadək müdafiə edəcəyini bildirib.
Bakı Şəhər Təcili Yardım Stansiyasından H.Rüstəmovun işdən çıxarılmasının səbəblərini şərh etməyiblər.
Xatırladaq ki, ADP sədri Sərdar Cəlaloğlu bildirib ki, Milli Şuranın sentyabrın 23-də keçirdiyi mitinqdə iştiraka görə Demokrat Partiyasının finksionerləri Zakir Həsənov, Nurəddin İsmayıl və Həsrət Rüstəmovu polis idarələrində sorğu -sual ediblər .-05B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz