Bakı/01.12.17/Turan: AFFA-nın İntizam Komitəsi "Keşlə" klubunun iki futbolçusu -Nizami Hacıyev və Mirhüseyn Seyidovun ömürlük diskvalifikasiyası barədə qərar qəbul edib.
Assosiasiyanın rəsmi məlumatında deyilir ki, qərar "Keşlə" klubunun müraciəti, hüquq-mühafizə orqanlarının məktubu və UEFA-dan daxil olan məlumatlara əsasən qəbul edilib.
"Qərar onların iştirakçısı olduğu oyunun idman nəticəsinin manipulyasiyasına görə qəbul edilib", - məlumatda vurğulanır.
AFFA bildirib ki, manipulyasiyada iştirakda şübhəli bilinən digər futbolçular ilə bağlı araşdırma davam etdirilir.
Qeyd edək ki, "Keşlə" klubunun rəhbərliyi Azərbaycan premyer-liqasında "Neftçi" ilə oyunda 1:3 hesabı ilə məğlub olduqdan sonra N.Hacıyev və M.Seyidovun manipulyasiya etməsindən şübhələndiyini bildirib.
Sonradan KİV-də iki futbolçunun hüquq-mühafizə orqanları tərəfindən saxlanması barədə məlumatlar yayılıb. Bundan bir sutka sonra M.Sadıqov KİV-ə müsahibəsində bildirib ki, "Neftçi" klubuna keçmək istədiyindən bu kluba qarşı matçda yaxşı oynamayıb.
Öz növbəsində "Neftçi" klubu bəyanatla çıxış edərək bildirib ki, klubun ünvanına olan şübhələrin heç bir əsası yoxdur.
"Neftçi" hər zaman Azərbaycan futbolunda çirkin işlərlə məşğul olanların cəzalandırılmasına tərəfdar olub və hüquq-mühafizə orqanlarının bu yöndə işini dəstəkləyir".-71D-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz