Açiq mənbələrdən foto.
Bakı/30.12.21/Turan: Dekabrın 29-da saat 16 radələrində Bakcell mobil operatorunun işçisi Anar Rəhimli Ermənistan tərəfindən açılan atəş nəticəsində yaralanıb.
Azərbaycan Baş Prokurorluğunun verdiyi məlumata görə, hadisə "Yeddi xırman" adlanan ərazi yaxınlığında baş verib.
"İlkin araşdırmalarla “Bakcell” MMC-nin əməkdaşı Anar Rəhimlinin qeyd edilən ərazidə xidməti vəzifələrini icra edərkən erməni silahlı qüvvələri tərəfindən atəşə tutulması nəticəsində xəsarət alması müəyyən edilib".
Faktla bağlı cinayət işi açılıb, deyə Baş Prokurorluğun məlumatında bildirilir.
Qeyd edək ki, adı çəkilən ərazi Ermənistan və Azərbaycan silahlı qüvvələrinin təmas xəttindən xeyli məsafədə yerləşir. -02D-
Cəmiyyət
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
-
Həmkarlar ittifaqına aid qeyri-hökumət təşkilatı olan “İşçi Masası Konfederasiyası”nın sədri Afiyəddin Məmmədov, Azərbaycanda sosial şəraitin pisləşməsi və vətəndaşların həbsi ilə bağlı etiraz əlaməti olaraq həbsxanada müddətsiz aclıq aksiyasına başlayıb, onun ailəsi cümə günü bildirib.
-
Abşeron rayonunun Xırdalan şəhərində yerləşən çoxmərtəbəli yaşayış binasında yanğın baş verib. Hadisə ilə bağlı Fövqəladə Hallar Nazirliyi (FHN) dərhal əraziyə qüvvələr cəlb edib, rəsmilər şənbə günü bildirib.
-
Azərbaycanın Milli Hidrometeorologiya Xidməti fevralın 10-na olan hava proqnozunu açıqlayıb. Ölkə ərazisində əsasən yağmursuz hava şəraiti gözlənilsə də, bəzi dağlıq ərazilərdə qar yağacağı ehtimal edilir.
Rəy yaz