"Tərtər rayonunda pambıq sahəsində kimyəvi maddədən zəhərlənmə ehtimalı ilə Yevlax Rayon Mərkəzi Xəstəxanasında müalicə alan daha 4 nəfər iyunun 21-də evə buraxılıb". Bu haqda Azərbaycan İcbari Tibbi Sığorta Agentlyinin mətbuat xidmətindən bildiriblər.
Mətbuat xidmətindən verilən bilgiyə görə, daha 2 nəfər rayon sakini Tərtər Rayon Xəstəxanasına göndərilib.
"Qalan şəxslərin müalicəsi davam edir və həkmlərin konsiliumundan sonra onların gün ərzində evə buraxılması davam edəcək. Hətta hamısının da evə buraxılma ehtimalı az deyil", - mətbuat xidmətindən deyiblər. Qeyd olunub ki, xəstələrin səhhətində hər hansı ağırlaşama yoxdur və sabitdir.
Xatırladaq ki, iyunun 19-da Imişli rayonunda pambıq sahələrinin birində pambıqçılar başağrısı və ürək bulanması ilə bağlı rayon xəstəxanasına müraciət ediblər.
Buna qədərsə Tərtər və Saatlı rayonlarında pambıq sahəsində kütləvi zəhərlənmə baş verib. Tərtər rayonunda iyunun 16-da 14 nəfərin zəhərləndiyi, onlardan 4 nəfərin Yevlax Rayon Mərkəzi Xəstəxanasında reanimasiya şöbəsinə yerləşdirildiyi bildirilir.
İyunun 19-da is Tərtərdəki pambıq sahəsində zhərlənməsi ehtimal olunan 25 nəfər Yevlax Rayon Mərkəzi Xəsətxanasına yerləşdirlib, onlardan 6 nəfər evə buraxılıb.
İyunun 10-da Saatlı rayonunun Simadakənd kəndi ərazisində pambıq tarlasında işləyən 24 nəfər Sabirabad rayon sakini "kimyəvi dərman zəhərlənməsi" diaqnozu ilə Saatlı Mərkəzi Rayon Xəstəxanasına yerləşdirilib. Onlardan 8 nəfərinin vəziyyəti ağır olduğundan Bakıya gətirilib.
Üstəlik bildirilib ki, zəhərlənən qadınlardan birinin körpəsi və körpəyə baxan bir qadının da səhhəti pisləşib.
Faktla bağlı Baş Prokurorluğun Ağır Cinayətlərə dair İşlər üzrə İstintaq İdarəsində cinayət işi açılıb. Söhbət Cinayət Məcəlləsinin 249.2 (bitki xəstəliklərinə və ziyanvericilərinə qarşı müəyyən edilmiş mübarizə qaydalarını pozma-ağır nəticələrə səbəb olduqda) və 314.2-ci (səhlənkarlıq, yəni vəzifəli şəxsin işə laqeyd münasibəti nəticəsində öz xidməti vəzifəsini yerinə yetirməməsi - ağır nəticələrə səbəb olduqda) maddələrindən gedir.--0--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz