Yaxın günlərdə Avropa İnsan Hüquqları Məhkəməsi (AİHM) NİDA hərəkatının fəalı İlkin Rüstəmzadənin 2014-cü ilin mayında qanunsuz həbsi ilə bağlı şikayəti üzrə kommunikasiyaya başlayacaq.
Vəkil Nemət Kərimlinin Turan-a verdiyi məlumata görə, Rüstəmzadəni xuliqanlıqda ittiham edən istintaq onun təqsirinin sübutunu təqdim etməyib. Belə ki, istintaq Rüstəmzadəni Bakı bulvarında Harlem Shake rəqs flash-mobunu təşkil etməkdə və videosüjeti YouTube-da yerləşdirməkdə ittiham edib. Bu zaman işdə zərərçəkmiş yox idi. Müdafiə tərəfi AİHM-dən Rüstəmzadənin Avropa İnsan Hüquqları Konvensiyasının 5-ci (azadlıq və şəxsi toxunulmazlıq hüququ) maddəsi üzrə hüquqlarının pozulmasını tanımağı xahiş edir.
Bir müddət əvvəl AİHM Rüstəmzadənin 2013-cü ilin aprelində gənclərin Neft Akademiyasında kütləvi qətlin 4-cü ildönümü ilə bağlı aksiyası ilə bağlı inzibati həbsindən şikayəti üzrə kommunikasiyaya başlayıb. Bu şikayətdə də Avropa Konvensiyasının 5-ci maddəsinin pozulması məsələsi qoyulub.
Üçüncü şikayət Rüstəmzadənin xuliqanlıq, kütləvi iğtişaşların təşkili, qanunsuz oalraq partlayıcı maddələr saxlamaq ittihamı ilə 8 il müddətinə azadlıqdan məhrum edilməsi haqqında hökmə aiddir. Bu şikayəti vəkil Xalid Bağırov hazırlayıb.
Bu kollektiv şikayət Rüstəmzadənin, habelə onunla birlikdə həbs edilmiş digər fəalların – Rəşadət Axundov, Zaur Qurbanlı və Məmməd Əzizovun Avropa Konvensiyasının 5-ci (azadlıq və şəxsi toxunulmazlıq hüququ), 6-cı (obyektiv məhkəmə təhqiqatı hüququ), 10-cu (ifadə azadlığı), 11-ci (toplaşmaq azadlığı) və 18-ci (hüquqların məhdudlaşdırılmasından istifadə hüdudları) maddələri üzrə hüquqlarının pozulmasına aiddir.
Bu barədə Turan-a vəkil Bağırov bildirib. Yaxın günlərdə şikayət AİHM-ə göndəriləcək.
Rüstəmzadə 2014-cü il mayın 6-da həbs edilmiş NİDa fəallarından həbsdə qalan son fəaldır.
Bütün digər fəallar müxtəlif zamanlarda əvf olunub. Rüstəmzadə Amnesty İnternational tərəfindən “vicdan məhbusu” kimi tanınıb. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz