Yanvarın 27-də Avropa Liberal Demokratlar Alyansının (ALDE-nin) Avropa Parlamentindəki fraksiyasının, “Renew Europe”-nın təşəbbüsü ilə, onlayn formada Şərq Tərəfdaşlığı mövzusunda müzakirələr başlayıb.
Bu haqda Müsavat başqanının müavini Səxavət Soltanlı məlumat yayıb.
Məlumatda bildirilir ki, müzakirələrdə Şərq Tərəfdaşlığı müqaviləsinə daxil olan, Azərbaycan, Gürcüstan, Ermənistan, Ukrayna, Moldova, Belorusla yanaşı Rusiyadan da olan əsas siyasi təşkilatların rəhbər şəxsləri, Renew Europe fraksıyasının və Avropa Parlamentinin rəhbərliyinə daxil olan şəxslər və deputatlar iştirak edib.
Müzakirələrdə Renew Europe fraksiyasının prezidenti Dacian Cioloș, Avropa Parlamentinin üzvü və Belorus üzrə məruzəçi Petras Auštrevičius, Renew Europe qrupunun Xarici siyasət məsələləri üzrə koordinatoru, Hilde Vautmans, Avropa İttifqaının “Dəyərlər və Şəffaflıq” (Values and Transparency) Komissiyasının sədr müavini Věra Jourova, Rusiya, Şərq tərəfdaşlığı, Orta Asiya, Regional əməkdaşlıq üzrə Avropa Birliyinin Xarici Fəaliyyət Xidmətinin drektor müavini Luc Devigne, Avropa Parlamentinin üzvü, Renew Europe fraksiyasının vitse-prezidenti Michal Šimečka, Avropa Parlamentinin deputatı, Moldova üzrə daimi məruzəçi Dragoș Tudorache məruzələrlə çıxış ediblər.
Tədbirdə Azərbaycanı təmsil edən Müsavat Partiyasının başqanı Arif Hacılı çıxış edərək Azərbaycan və Avropa İttifaqı arasında siyasi və iqtisadi münasibətlərin inkişafının zəruriliyi, Avropa Birliyinə daxil olan ölkələrlə Azərbaycan arasında viza rejiminin sadələşdirilməsi, Azərbaycanda insan haqları və demokratiyanın hazırkı vəziyyəti, o cümlədən siyasi məhbus problemi, Qarabağ məsələsinin nizamlanması prosesinin Rusiyanın nəzarətindən çıxarılması, Azərbaycan və Ermənistan arasında ikitərəfli müzakirələrin daha səmərəli ola biləcəyi və digər mövzular haqqında danışıb. Bu məsələrlə bağlı konkret təkliflər verib.
Müzakirələr qarşıdakı günlərdə davam etdiriləcək.
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz