Александр Лапшин, LiveJournal
Bakı/30.06.17/Turan: İyunun 30-da Bakı Ağır Cinayətlər Məhkəməsində hakim Əlövsət Abbasovun sədrliyi ilə Azərbaycanda həbsdə olan bloger Aleksandr Lapşinin cinayət işi üzrə məhkəmə prosesi başlayıb.
Bugünki iclasda dövlət ittihamçısı ittiham aktını elan edib.
İttiham aktına münasibət bildirən A.Lapşin özünü təqsirli bilməyib.
Sərbəst ifadə verməkdən imtina edən A.Lapşin sualları cavablandırıb. O, Dağlıq Qarabağa iki dəfə turist kimi səfər etdiyini bildirib.
Daha sonra iclasda şahidlər ifadə verib. Şahidlər əsasən Azərbaycanın ermənilərin nəzarətində olan ərazilərindən məcburi köçkünlər olub. Şahidlər məhkəməyə bildiriblər ki, Lapşin kimi insanların Dağlıq Qarabağa səfəri münaqişənin nizamlanmasına və onların doğma yurdlarına qayıtmasına mane olur.
Vəkil Eduard Çernin "Amerikanın Səsi"nə blogerin səhhətinin normal olduğunu bildirib. O, məhkəmə prosesində tezliklə hökmün elan edilməsini istəyir.
Məhkəmə prosesi iyulun 3-də davam etdiriləcək.
İsrail, Rusiya, Ukrayna vətəndaşı olan Aleksandr Lapşin Azərbaycan prokurorluğu tərəfindən dövlət sərhədini qanunsuz keçmə, ərazi bütövlüyünə qarşı yönələn açıq çağırışlar etmə əməllərində ittiham olunub və 2016-cı il dekabrın 15-də Belarusun hüquq-mühafizə orqanları tərəfindən Minskdə saxlanılıb. Bloger 2017-ci il fevralın 7-də Azərbaycana ekstradisiya edilib. -03B06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz