Açiq mənbələrdən foto.
Bakı/19.10.22/Turan: Ali Məhkəmə iqtisadi cinayətlər ittihamı ilə 10 il müddətinə azadlıqdan məhrum edilmiş Azərbaycanın Serbiyadakı keçmiş səfiri və ölkənin keçmiş baş prokuror Eldar Həsənovun kassasiya şikayətini qismən təmin edib.
Xüsusən, vəkil Cavad Cavadovun verdiyi məlumata görə, Ali Məhkəmə Həsənovun üç övladının - Anar Həsənov, Emiliya Qurbanova və Səbinə Hüseynovanın əmlakının müsadirə edilməsi haqqında qərarı ləğv edib.
Eyni zamanda sabiq baş prokurorun həyat yoldaşı Elmira Həsənovanın əmlakının bir hissəsinin müsadirəsi barədə qərar ləğv edilib.
Müdafiə tərəfi həmçinin hökmün mahiyyəti üzrə kassasiya şikayəti vermək niyyətindədir.
Xatırladaq ki, Eldar Həsənov 2020-ci ilin iyulunda Dövlət Təhlükəsizliyi Xidmətinin əməkdaşları tərəfindən XİN-in Konsulluq Xidmətinin bir neçə digər işçisi ilə birlikdə həbs edilib.
Bu ilin yanvarında Bakı Ağır Cinayətlər Məhkəməsi onu CM-in 179.3.2 (mənimsəmə və israf), 193-1.3.2 (cinayət yolu ilə əldə edilmiş gəlirlərin leqallaşdırılması), 308.2 (vəzifə səlahiyyətlərindən sui-istifadə, ağır nəticələrə səbəb olduqda), 308-1.1 (büdcə vəsaitindən təyinatı üzrə olmayan istifadə) və 313-cü (vəzifə saxtakarlığı) maddələri ilə təqsirli bilib və onu 10 il müddətinə azadlıqdan məhrum edib. Apreldə Bakı Apellyasiya Məhkəməsi bu hökmü qüvvədə saxlayıb.
Maraqlıdır ki, Həsənovla eyni zamanda həbs edilmiş bənzər miqyasda oğurluqda ittiham olunan XİN-in digər üç yüksək vəzifəli əməkdaşı çox qısa müddət sonra həbsdən azad edilib və sonradan şərti cəzaya məhkum edilib.
Həsənov özü məhkəmədə bildirib ki, prezident administrasiyasının yüksək vəzifəli nümayəndələri tərəfindən ona qarşı fitnələrinin qurbanı olub. 06В
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz