Sentyabrın 11-də Ali Məhkəmədə hazırda həbsdə olan “Xural” qəzetinin redaktoru Əvəz Zeynallının vəkillərinin kassasiya şikayətinə baxılması gözlənilir.
Ə.Zeynallı 2011-ci ilin oktyabrında saxlanmasını, barəsində irəli sürülən ittihamları, bu ittihamlar əsasında qaldırılan cinayət işini əsassız sayır. Bununla yanaşı, redaktor Bakı Ağır Cinayətlər Məhkəməsinin onu uzun müddətə azadlıqdan məhrumetmə qərarını ədalətdən uzaq adlandırır.
Bakı Ağır Cinayətlər Məhkəməsi 2012-ci il martında Ə.Zeynallını 9 il azadlıqdan məhrum edib. Bu il martın 12-də Bakı Apellyasiya Məhkəməsi müdafiə tərəfin məhkəmənin hökmündən şikayətini təmin etməyərək, qərarı qüvvədə saxlayıb.
Bundan irəli gələrək redaktorun vəkilləri Ali Məhkəməyə kassasiya şikayətilə müraciət ediblər.
“Xural” qəzetinin baş redaktoru Ə.Zeynallı Milli Məclisin keçmiş deputatı Gülər Əhmədovanın şikayəti ilə 2011-ci il oktyabrın 28-də həbs edilib.
Korrupsiyaya qarşı Mübarizə İdarəsi baş redaktor barəsində Cinayət Məcəlləsinin 311.3.3 (külli miqdarda rüşvət alma) və 311.3.4-cü (hədə-qorxu tətbiq olunmaqla rüşvət alma) maddələri ilə cinayət işi başlayıb. Daha sonra Cinayət Məcəlləsinin 306-cı (məhkəmə qərarlarını icra etməmə) və 213.1-ci (vergidən yayınma) maddələri ilə də ittiham irəli sürülüb.
2012-ci il martın 12-də Bakı Ağır Cinayətlər Məhkəməsinin hökmü ilə Ə.Zeynallı 1 il müddətinə kommersiya müəssisəsində rəhbər vəzifə tutmaq hüququndan, 9 il müddətinə azadlıqdan məhrum edilib. Hökmdə dövlət büdcəsinə 4076 manat vergi borcu ödənilməsi də yer alıb. Ə.Zeynallı ittiham və hökmlə razılaşmır. Ə.Zeynallının vəkilləri və işi araşdıran ictimai ekspertlər baş redaktorun həbsinə səas səbəb kimi iqtidarı tənqid edən yazılarını gösətərərk, bu həbsi siyasi sifariş sayırlar.
Ə.Zeynallının cinayət işində əsas şikayətçi olan G.Əhmədova bu ilin fevralında Cinayət Məcəlləsinin 178.3.2 (külli miqdarda ziyan vurmaqla dələduzluq) və 307.2-ci (qabaqcadan vəd etmədən ağır cinayəti gizlətmə) maddələri ilə ittiham olunub. G.Əhmədova barəsində 6 ay həbs qətimkan tədbiri seçilib, Bakı İstintaq Təcridxanasında saxlanılır. -05D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz