Ali Məhkəmə Fərəc Kərimlinin cəzasını yumşaldıb

 Bu gün Ali Məhkəmədə Fərhad Kərimovun sədrliyilə Fərəc Kərimlinin kassasiya şikayətinə baxılıb.

Bu gün həmçinin Gülzar Rzayevanın sədrliyilə onun qardaşı  Sirac Kərimlinin də şikayətinə baxılıb.

Xatırladaq ki, Müsavat Partiyası sədrinin müavini Fərəc Kərimli və onun bitərəf qardaşı Sirac Kərimli 2014-cü ilin iyulunda qanunsuz narkotik maddə dövriyyəsində ittiham olunaraq həbs edilib. F.Kərimli 6,5 il, S.Kərimli 6 il müddətinə azadlıqdan məhrum edilib. Sonuncu 2016-cı il  martın 17-də əfv edilib. Bununla belə, o da bəraət almağa çalışır.

  Amnesty International hər iki qardaşı “vicdan məhbusu” kimi tanıyıb.

Ali Məhkəmə F.Kərimlinin şikayətini qismən təmin edərək 234.4.3-cü maddəni (narkotik maddənin qanunsuz hazırlanması, istehsalı, əldə edilməsi, saxlanması) daha yumşaq 234.1-ci maddəyə (şəxsi istifadə üçün narkotik maddənin qanunsuz əldə edilməsi və ya saxlanması) tövsif etməklə cəza müddətini 3 ilədək azaldıb.

S.Kərimlinin barəsində hökm dəyişməz qalıb.

Vəkil Nemət Kərimli sözügedən məhkəmə qərarları ilə razı olmadığını bildirib. İclasın yekunlarını Turan-a şərh edən vəkil deyib ki, müdafiə tərəfi hər iki qardaş üçün bəraətverici hökmə nail olmağa çalışıb. Digər tərəfdən, vəkil C.Kərimlinin barəsində hökmün dəyişməz olaraq saxlanmasını əsassız sayıb. Halbuki, onun qardaşının barəsində qərar yumşaldılıb, baxmayaraq ki, hər ikisi eyni ittiham üzrə keçir.

Düzdür, S.Kərimli artıq azadlıqdadır və Ali Məhkəmənin qərarının mənası yoxdur. Bununla belə, müdafiə tərəfi qardaşların hüquqlarının tam bərpasına nail olmaq üçün Avropa İnsan Hüquqları Məhkəməsinə müraciət etmək niyyətindədir.

Vəkil deyib ki, F.Kərimlini o vaxt Müsavat Partiyası sədrinin müşaviri olması ilə əlaqədar həbs ediblər, S.Kərimli isə Fərəcin həbsindən bir həftə öncə səhvən həbs olunub.—0C06-