Bakı/18.12.19/Turan: Bu gün Ali Məhkəmə reallig.info saytının redaktoru İkram Rəhimovun kassasiya şikayətini təmin etməyib.
Onun qohumları Turan-a bildiriblər ki, redaktor Ali Məhkəmədən cinayət işinin bəraətverici əsaslarla dayandırılmasını istəyib.
İ.Rəhimov bu qərarla razı deyil və öz hüquqlarının bərpası üçün qanuni tədbirləri davam etdirmək niyyətindədir.
İkram Rəhimov 2018-ci ilin oktyabrında dövlət başçısının köməkçisi Əli Həsənova açıq tənqidi məktubdan bir neçə saat sonra həbs edilib. 2018-ci il iyunun 12-də məhkəmə onu 5,5 il müddətinə azadlıqdan məhrum edib. İ.Rəhimov etiraz olaraq aclığa başlayıb və aclığın 30-cü günü, sentyabrın 5-də dayandırıb.
Sentyabrın 18-də Apellyasiya Məhkəməsi İ.Rəhimovun hədə yolu ilə pul almaqda günahını təsdiqləyib, lakin CM-in 62-ci maddəsini (qanunla nəzərdə tutulduğundan az müddətli cəza) tətbiq edərək həbs cəzasını 3 ilədək azaldıb.
Bir sıra beynəlxalq jurnalist təşkilatları İ.Rəhimovun barəsində hökmü pisləyiblər. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz