Moskva/18.12.19/Turan: Azərbaycan və Ermənistan əsirlərin mübadiləsi məsələsinin müzakirəsini davam etdirirlər. Bunu Moskvada keçirilən brifinqdə Rusiya XİN nümayəndəsi Mariya Zaxarova bildirib.
Bu məsələ “daim danışıqların gündəliyindədir” və hələ aprel ayında Rusiya, Azərbaycan və Ermənistan XİN rəhbərlərinin Moskvada ATƏT-in Minsk Qrupu həmsədrlərinin iştirakı ilə keçirilən görüşündə ayrıca müzakirə olunub, Zaxarova deyib.
Onun sözlərinə görə, bu istiqamətdə işlər davam edir və tərəflər razılığa gələrsə, vasitəçilər digər əsirlərin də mübadiləsini dəstəkləyəcəklər.
Xatırladaq ki, hazırda hər iki tərəfdə əsirlikdə iki nəfər var. 02D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz