Bakı/18.12.19/Turan: Dekabrın 18-nə keçən gecə Ermənistan və Azərbaycan sərhəddinin qərb hissəsində iki ölkə ərazilərindəki yaşayış məntəqələri atəşə tutulub.
Azərbaycan Müdafiə Nazirliyinin məlumatına görə, qarşı tərəf Qazax rayonunun Fərəhli, Aşağı Əskipara kəndlərini, eləcə də Tovuz rayonunun Ağbulaq kəndini atəşə tutub. Atəş Ermənistanın İcevan, Berd və Krasnoselski rayonlarındakı mövqelərindən açılıb.
Öz növbəsində Ermənistan tərəfi İcevan-Noyemberyan magistralının atəşə tutulduğunu, nəticədə avtomobilin hərəkətinin dayandırıldığını bildirib.
Bəzi erməni mənbələr Yerevan-Tbilisi magistralının Bağanis-Voskepar-Voskevan hissəsində nəqliyyatın bağlandığını bildiriblər.02D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz