Mutallim Orudjev
Bakı/15.11.22/Turan: Almaniyadan deportasiya olunduqdan sonra həbs edilmiş fəal Mütəllim Orucov istintaq təcridxanasında səmərəli tibbi yardım göstərilməməsindən gileylənir.
Oğlu Elvin Orucun Turan-a verdiyi məlumata görə, fəalın təzyiqi davamlı olaraq yüksəkdir (yuxarı göstərici 170-180).
İstintaq təcridxanasında hər hansı müalicə aparılmır. "Atamın səhhətində onsuz da ciddi problemlər var. O, Almaniyadan deportasiya olunmazdan əvvəl ağır formada koronavirus keçirib. Üç həftə xəstəxanada yatıb, həbs isə virusun fəsadlarını artırıb", deyə o bildirib.
Vəkil Nemət Kərimli Turan-a Orucun səhhətində ciddi problemlər olduğunu və ona səmərəli tibbi yardım göstərilmədiyini təsdiq edib.
Vəkil xatırladıb ki, oktyabrın 21-də Sumqayıt Ağır Cinayətlər Məhkəməsi M.Orucovu 7 il azadlıqdan məhrumetmə cəzasına məhkum edib. Kərimli hökmdən apellyasiya şikayəti verib.
Məhbusların sağlamlığının müdafiəsi məsələləri ilə məşğul olan Ədliyyə Nazirliyinin Baş Tibb İdarəsindən şərh almaq mümkün olmayıb.
Orucov ötən il iyunun 1-də readmissiya qaydasında Almaniyadan deportasiya olunub. Oktyabrda o, böyük ölçüdə narkotik vasitələrin qanunsuz dövriyyəsində ittiham olunaraq həbs edilib. Hüquq müdafiəçiləri onu siyasi məhbus kimi tanıyıblar.
Onun təqibinin əsl səbəbi Azərbaycanda insan hüquqlarının pozulmasına etiraz əlaməti olaraq Avropada keçirilən aksiyalarda iştirak etməsidir. 06B06
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz