Açiq mənbələrdən foto.
Bakı/15.11.22/Turan: Albaniya Kosovonun tanınması məsələsində Azərbaycanın dəstəyinə ümid edir. Bu barədə çərşənbə axşamı Albaniya prezidenti Bayram Beqa noyabrın 15-də Tiranaya dövlət səfərinə gedən Azərbaycan prezidenti İlham Əliyevlə birgə keçirdiyi brifinqdə bildirib.
Kosovo Albaniya üçün çox vacibdir və təkcə sabitlik üçün deyil, həm də bütünlükdə regionun inkişafı üçün vacibdir. O, Azərbaycandan Kosovonu tanımağı və onun beynəlxalq təşkilatlara qəbul olunmasını dəstəkləməyi xahiş edib.
Albaniya prezidenti Azərbaycanla energetika, infrastruktur, turizm, kənd təsərrüfatı və sənaye sahəsində əməkdaşlığı genişləndirməkdə maraqlı olduğunu bildirib.
"Əlbəttə ki, enerji sahəsində İon–Adriatik boru kəməri Albaniyanı, Monteneqronu, Xorvatiyanı birləşdirərək, ölkələrimizin geosiyasi əhəmiyyətini artırır və regional, o cümlədən Avropa səviyyəsində qaz təchizatının şaxələndirilməsini nümayiş etdirir. Bilirik ki, bu sahədə ölkənizin sərmayə qoyuluşu baxımından təcrübəsi var. Albaniya, həmçinin öz ərazisində tranzit imkanlarından istifadəyə çox açıqdır və hazırdır", deyə Beqa sözünə davam edib.
O, həmçinin Azərbaycana Tiranada səfirliyin açılması ilə bağlı iradəsini bildirdiyinə görə təşəkkür edib.
Albaniya Azərbaycanın ərazi bütövlüyünü hər zaman dəstəkləyib və BMT Təhlükəsizlik Şurasının qətnamələrinin icra olunmasına öz dəstəyini verib, deyə Beqa qeyd edib.
Əliyev, öz növbəsində, 2027-ci ilə qədər Azərbaycan qazının Avropaya ixracını iki dəfə artırmaq planları kontekstində Albaniyanın tranzit imkanlarını qeyd edib. O, Albaniyanın özündə qaz şəbəkəsi yaradılmasında Azərbaycanın iştirakı mümkünlüyünü qeyd edib.
"Albaniyada bu günə qədər qaz şəbəkəsi yaradılmamışdır. Azərbaycan bu sahədə də investor kimi iştirak edə bilər və biz buna hazırıq. Bu gün bu məsələni və energetika sahəsi ilə bağlı olan digər məsələləri bundan sonra da müzakirə edəcəyik", deyə Əliyev bildirib.
O, həmçinin qeyd edib ki, Azərbaycan Albaniyanın da üzvü olduğu NATO ilə sıx əməkdaşlıq edir. "Biz uzun illər Əfqanıstanda NATO-nun əməliyyatlarında fəal iştirak etmişik. Demək olar NATO-ya üzv olmayan ölkələr arasında birincilər sırasında idik ki, biz sülhməramlı missiyaya qoşulduq.
Albaniya da NATO-nun üzvü kimi NATO-Azərbaycan əlaqələrinə həmişə böyük dəstək vermişdir", deyə Əliyev bildirib. 06В
Siyasət
-
"Kanal 11" internet televiziyasının rəhbəri Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi dekabrın 28-də çatıb.
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
Rəy yaz