Açiq mənbələrdən foto.
Almaniyadan readmissiya ilə qayıdan fəalı ev dustaqlığına buraxmayıblar
Bakı/15.02.22/Turan: Bazar ertəsi Bakının Nərimanov Rayon Məhkəməsi Xalq Cəbhəsi Partiyasının fəalı Pünhan Kərimlinin ev dustaqlığına buraxılması ilə bağlı müdafiə tərəfinin vəsatətini təmin etməyib. Bu barədə Turan-a onun doğmaları bildiriblər.
Ötən ilin noyabrında Almaniyadan readmissiya üzrə qayıdan Kərimli yanvarın 25-də saxlanılıb və narkotik maddələrin qanunsuz dövriyyəsi ittihamı ilə 4 ay müddətinə həbs edilib.
O, yanvarın 25-də Vergilər Departamentinin binasından çıxarkən metronun "Nərimanov" stansiyasının yaxınlığında saxlanılıb. Ə.Kərimli həm saxlanma zamanı, həm də polisdə döyülüb.
Doğmalarının sözlərinə görə, fəalı etirafedici ifadəni imzalamadığı təqdirdə işgəncələrlə hədələyiblər.
Məhkəmədə Kərimli bildirib ki, onu siyasi motivlərlə, Azərbaycanda insan hüquqlarının pozulmasına etiraz olaraq Almaniyada keçirilən aksiyalarda iştiraka görə təqib edirlər.
İstintaq bildirir ki, Kərimlidə 7,5 qram heroin və 2,5 qram metamfetamin tapılıb. Fəal narkotik maddələrin onun üzərinə qoyulduğunu deyib. 32 yaşlı Kərimli 10 ildir ki, peşəkar idmanla məşğul olur və zərərli vərdişləri yoxdur.
Müdafiə tərəfi ev dustaqlığına keçirilməkdən imtina ilə bağlı apellyasiya şikayəti verəcək.
Qeyd edək ki, 2021-ci ilin noyabrında Almaniyadan göndərilmiş daha bir fəal Cəfər Mirzəyev yanvarın 27-də narkotik maddələrin qanunsuz dövriyyəsi ittihamı ilə saxlanılıb.
Bundan əlavə, Almaniyadan qayıdan daha iki fəal - Mütəllim Orucov və Malik Rzayev də ötən ilin payızında həbs edilib. – 06B-
-
- Keçmiş Sovet məkanı
- 15 Fevral 2022 13:20
-
- Cəmiyyət
- 15 Fevral 2022 13:47
Cəmiyyət
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
-
Bu gün Bakının mənzərəli Səbail rayonunda, Xəzər dənizinə baxan yerdə hüquqşünas Aslan İsmayılov bir qrup fədakar ekofəal ilə birlikdə mühüm mərhələni - vaxtilə dağılmış, torpaq sürüşməsinə məruz qalmış yamacda yaradılmış parkın yeddinci ildönümünü qeyd edib. Boş çöldə salınmış bu yaşıl məkan şəhərin genişlənən yaşıl zolağının həyat əhəmiyyətli hissəsini təmsil edir və ətraf mühitin bərpası üzrə uğurlu layihədir.
-
Bazar günü, mayın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Əsasən səhər və axşam bəzi yerlərdə yağış yağacağı ehtimalı var. Mülayim cənub küləyi gecəyə doğru arabir güclənən şimal-qərb küləyi ilə əvəz olunacaq.
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
Rəy yaz