![Açiq mənbələrdən foto.](https://turan.az/resized/media/2022/main/021500044775-750-500-resize.webp)
Açiq mənbələrdən foto.
Hüquq- müdafiə hərəkatının veteranları prezident İlham Əliyevə müraciət ediblər
Bakı/15.02.22/Turan: Hüquq müdafiəçiləri Novella Cəfəroğlu və Arzu Abdullayeva prezident İlham Əliyevin diqqətini ölkədə insan hüquqları ilə bağlı vəziyyətə cəlb etmək məqsədilə ona müraciət ediblər.
Uzun illər işğal altında olan Azərbaycan torpaqlarının böyük bir hissəsini İlham Əliyevin səyləri və bacarığı, hakimiyyət və xalqın birləşməsi sayəsində geri qaytarmaq mümkün olub.
"Lakin sizin diqqətinizi ölkəmizdə insan hüquqları ilə bağlı vəziyyətə yönəltmək istərdik ki, bu da torpağın işğaldan azad olunmasının sevincini dadını tam şəkildə hiss etməyə mane olur.
Ən müxtəlif beynəlxalq meydançalarda insan hüquqları ilə bağlı vəziyyətdən ölkəmizin maraqlarına qarşı necə istifadə olunduğunu müşahidə etmək bizi, 30 il stajı olan hüquq müdafiəçilərini məyus edir", - müraciətdə deyilir.
Hüquq sahəsində dönüş etməyin vaxtı çatıb və Azərbaycanda demokratik cəmiyyətin möhkəmləndirilməsi və ölkənin mənfi reputasiyasının dəyişdirilməsi üçün real potensial var: "Biz əminik ki, insan hüquqları sahəsində irəliləyiş yalnız Qarabağ məsələsində olduğu kimi, hakimiyyət və vətəndaş cəmiyyətinin səylərinin birləşdirilməsilə mümkündür".
Cəfəroğlu və Abdullayeva dövlət başçısının diqqətini hüquq müdafiəçisi, müxtəlif instansiya məhkəmələrdə vətəndaşların hüquqlarını uğurla müdafiə edən və 2 ildən çoxdur ki, həbsdə olan vəkil Elçin Məmmədin taleyinə yönəldirlər.
Onun peşə fəaliyyəti məmurların narazılığına səbəb olub və ona qarşı saxta ittiham üzrə cinayət təqibinə başlayıblar.
Elçin Məmməd 15 ildən çoxdur ki, hepatit C xəstəliyindən əziyyət çəkir və həbsdə onun xəstəliyi kəskinləşib. "7 yaşından onu təkbaşına böyüdən anası bu yaxınlarda ağır onkoloji əməliyyat keçirib və onun vəziyyəti getdikcə pisləşir", - müraciətdə bildirilir.
Cəfəroğlu və Abdullayeva Məmmədin doğum günündə prezidentə müraciət edirlər və dövlət başçısından onun azad edilməsi haqda sərəncam verməsini xahiş edirlər.
“Əminik ki, Elçin Məmməd məsələsinin ədalətli həlli məhkəmələrin və vəkillərin müstəqilliyinin möhkəmləndirilməsi üzrə mühüm qərarların qəbulunda, məmur özbaşınalığının qarşısının alınmasında addımlardan biri olacaq ki, bu da ölkənin reputasiyasına və Azərbaycanın dövlət maraqlarına müsbət təsir göstərəcək", - müraciətdə deyilir.
* 17 oktyabr 2020-ci ildə Sumqayıt Şəhər Məhkəməsi "Sumqayıt Gənclərinin Hüquqi Maarifləndirilməsi" qeyri-hökumət təşkilatının rəhbəri və "Yüksəliş naminə" saytının redaktoru Elçin Məmmədi "oğurluq" və "hərbi sursat və silahların qanunsuz saxlanmasında" təqsirli bilərək 4 il müddətinə azadlıqdan məhrum edib.
Hüquq müdafiəçisi 2020-ci ilin martında həbs edilib. Ondan hüquqi yardım göstərdiyi qadın şikayət edib.
Amnesty International, PEN, FİACAT və digər beynəlxalq təşkilatlar Elçin Məmmədin həbsini pisləyiblər. Yerli hüquq müdafiəçiləri onu siyasi məhbus kimi tanıyıblar.—06B-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz