Anar Abdullayev
Bakı/06.10.21/Turan: Oktyabrın 15-də jurnalist və ictimai fəal Anar Abdullayev Nərimanov Rayon Məhkəməsinin qərarı ilə həbs edilib.
Məhkəmə onu 535.1-ci (polis əməkdaşının qanuni tələblərinə tabe olmamaq) və 510-cu (xırda xuliqanlıq) maddələri ilə təqsirli bilib. Bu barədə Turan-a Abdullayevin vəkili Zibeydə Sadıqova bildirib.
O qeyd edib ki, Abdullayev hələ dünən saxlanılıb. "Bu gün məhkəmədə polis əməkdaşı bildirib ki, dünən Anar Abdullayev sosial şəbəkədə yazdığı şərhlə bağlı profilaktik söhbət üçün Nərimanov Rayon Polis İdarəsinə çağırılıb. Oradan onu 18-ci bölməyə aparıblar. Orada o, "polisə tabe olmayıb", "ünvansız söyüş söyüb", ona görə də ona qarşı protokol tərtib edilib. Anar isə polisə tabe olmamaq barədə iddiaları rədd edib. O bildirib ki, şərhə görə çağırılıb və ona psixoloji, fiziki təzyiq göstəriblər", - vəkil deyib. Müdafiə tərəfi məhkəmənin qərarından apellyasiya verəcək.
Daxili İşlər Nazirliyinin mətbuat xidmətinin ictimaiyyətlə əlaqələr şöbəsinin rəisi Elşad Hacıyev Turan-a bildirib ki, Abdullayevə fiziki təzyiq göstərilməsi barədə iddialar əsassızdır və həqiqətə uyğun deyil. -16D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz