Анар Мамедли
Bakı/23.04.18/Turan: Seçkilərin Monitorinqi və Demokratiyanın Tədrisi Mərkəzinin (SMDTM) rəhbəri Anar Məmmədli 2014-cü ilin sentyabrında AŞPA-nın 60 min avro məbləğində Vatslav Havel mükafatını indiyədək almayıb. Bu barədə o, Facebook səhifəsində yazıb.
Həmin müddətdə o, uydurma cinayət işi ilə əlaqədar həbsdə olub. Mükafat təqdim ediləndə onun bir çox həmkarları, o cümlədən müavini Bəşhir Süleymanlı həbsdə olub. Belə bir şəraitdə keçmiş iş yoldaşı Nahid İsmayılov vəziyyətdən istifadə edərək A.Məmmədlinin atasının məlumatsızlığı və etibarından sui-istifadə edərək bildirib ki, guya AŞPA-dan ayrılan maliyyə vəsaitini qəbul etməyi tələb edirlər. O, vəsaitin Bakıya köçürülməsinin təhlükəli olduğunu deyərək Almaniyada yerləşən bank hesabına köçürülməsinə nail olur və sonra mənimsəyir.
A.Məmmədli azadlığa çıxdıqdan sonra 2017-ci ilin martında N.İsmayılov pulları qaytarmaqdan intina edib, sonra is xərclədiyini etiraf edib. Söz verib ki, sentyabra kimi qaytaracaq.
Pullar qaytarılmadığına görə A.Məmmədli Səbayel Rayon Məhkəməsində iddia qaldırıb. Ancaq indiyədək N.İsmayılov bir dəfə də olsun məhkəmə iclaslarına gəlməyib.
A.Məmmədli güman edir ki, məhkəmə onun siyasi mövqeyi ilə əlaqədar qərarı bilərəkdən yubadır.
"Ancaq məsələnin maddi tərəfindən çox, mənəvi tərəfi məni üzdüyü üçün məhkəmənin bu barədə qərar verməsi üçün sonadək mübarizə aparacam", - o vurğulayıb. -06B-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz