Qafqaz Müsəlmanları İdarəsi (QMİ) nəzdində fəaliyyət göstərən din xadimlərinin təkmilləşdirmə kurslarının növbəti mərhələsi başa çatıb və bu münasibətlə kursu başa vuran dindarlara sertifikatlar təqdim edilib.
QMİ-nin sədr müavini, Bakı İslam Universitetinin rektoru Haci Sabir Həsənli bu kursun sayca ikinci olduğunu deyib. Növbətu kursun təşkilinin Ramazan ayından sonra baş tutacağı anonsu verib.
QMİ sədri A.Paşazadə bu kursların imam və axundların fəaliyyəti üçün ciddi əhəmiyyəti olduğunu nəzərə çatdırıb. Məscidlərə döndükdən sonra bu biliklərin fəaliyyətlərində əksini tapmasının vacibliyini önə çəkib.
Təkmilləşdirmə kurslarında din xadimləri yüksək səviyyədə təşkil olunan mühazirələr dinləyib, müasir informasiya texnologiyaları ilə işləmək vərdişlərinə yiyələniblər. Müdavimlərə Qurani-Kərim də paylanıb.
Tədbirdə QMİ sədri Azərbaycandan Suriyaya, İraqa gedib döyüşən və islamda sünni-şiə ədavəti salanlarla bağlı dindarlara müraciət edib. A.Paşazadə İraq və Suriyada müxtəlif din adı altında qruplaşmalarda döyüşən azərbaycanlı gənclərin sayının artdığını deyərək, buna görə din xadimlərinin də məsuliyyət daşıdığını nəzərə çatdırıb. A.Paşazadənin fikrincə, bir sıra gənclərin bu yola düşməsində dini təbliğatdakı boşluğun da təsiri var. QMİ sədri bütün hallarda bunun qarşısının alınmasının vacibliyini söyləyib. 30 ildən çoxdur ki, din rəhbəri olduğunu xatırladan A.Paşazadə indiyə kimi sünni-şiə ədavətinə yol vermədiyini, bundan sonra da yol verməyəcəyi bəyanatı səsləndirib.
Eyni zamanda, QMİ sədri qarşıdakı Ramazan ayı ilə bağlı mövqeyini açıqlayıb.
Ramazan ayında dini ayinlərin icrasından istifadə edərək ölkə müsəlmanları arasında parçalanma yaratmaq istəyənlərə ciddi xəbərdarlıq edib. QMI sədri Ramazan ayında sünni və şiələrin eyni vaxtda iftar açacağı, azanların eyni vaxtda veriləcəyi, moizələrin eyni qaydada oxunacağı bəyanatı səsləndirib. A.Paşzadə bu məsələdə hər şeyin QMİ-nin nəzarətində olduğunu xatırladıb. QMİ sədri bu məsələ ilə bağlı şiə və sünni alimlərilə məsləhətləşmələr aparıldığını deyib. -05B-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz