Asif Yusifli
Bakı/22.07.19/Turan: Bakı Apellyasiya Məhkəməsi Azərbaycan Xalq Cəbhəsi Partiyası (AXCP) Ali Məclisinin Rəyasət Heyətinin üzvü Asif Yusiflinin vaxtından əvvəl şərti azadlığa buraxılmasından imtina ilə bağlı şikayətini təmin etməyib.
Məhkəmənin qərarı koloniya administrasiyası tərəfindən A.Yusifliyə verilmiş mənfi xasiyyətnaməyə əsaslanıb.
A.Yusifli qeyd edib ki, onun barəsində hökm 2018-ci ilin oktyabrında uydurma bəhanə ilə elan edilib.
Qarabağ müharibəsi əlili Asif Yusifli 2014-cü il noyabrın 25-də CM-in dələduzluq (178-ci maddə) və sənədlərin saxtalaşdırılması (320-ci maddə) ittihamı ilə saxlanılıb.
2015-ci il iyulun 30-da məhkəmə onu təqsirli bilərək 7,5 il müddətinə azadlıqdan məhrum edib. Sonradan Ali Məhkəmə cəza müddətini 6 ilədək azaldıb.
2019-cu il mayın 29-da Suraxanı Rayon Məhkəməsi A.Yusiflinin cəzasının ¾ hissəsini çəkməsilə bağlı vaxtından əvvəl şərti azadlığa buraxılması barədə müraciətini təmin etməyib. Hüquq müdafiəçiləri onu siyasi məhbus kimi tanıyıblar.-06d--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz