Apellyasiya Məhkəməsi Asif Yusiflinin barəsində hökmü qüvvədə saxlayıb
Bu gün Bakı Apellyasiya Məhkəməsində AXCP Məclis üzvü Asif Yusiflinin apellyasiya şikayətinə baxılması başa çatıb.
A.Yusifli 2014-cü il noyabrın 25-də dələduzluq (maddə 178) və saxta sənəd hazırlamaqda (maddə 320) ittiham olunaraq həbs edilib. İş üzrə zərərçəkən Fəridə Zülfüqarova A.Yusifliyə 6500 manat verib ki, Təhsil Nazirliyinin əməkdaşı Rafiq Hüseynova çatdırsın. Sonuncu bu məbləğə F.Zülfüqarovanın oğlunu Ukraynada ali məktəbə düzəltməliymiş. Lakin iş baş tutmayıb və R.Hüseynov pulu qadına qaytarmayıb. Məhkəmə prosesi zamanı etiraf edib ki, pulları o alıb, A.Yusiflinin günahı yoxdur.
F.Zülfüqarova da zərərin kompensasiyası ilə əlaqədar öz şikayətindən imtina edib. Lakin 2015-ci il iyulun 30-da məhkəmə A.Yusiflini dələduzluq və saxta sənədlərdə ittiham edərək 7,5 il müddətinə azadlıqdan məhrum edib. Digər müttəhim R.Hüseynov 12,5 il azadlıqdan məhrumetmə cəzası alıb.
Bugünkü məhkəmə prosesində prokuror hər iki müttəhimə qarşı hökmün qüvvədə qalmasını təklif edib. Lakin vəkil Fəxrəddin Mehdiyev dövlət ittihamçısı ilə razılaşmayıb.
“Əgər zərərçəkən şikayətini geri götürübsə, şikayətçi və maddi zərər yoxdursa o zaman bu işin ictimai təhlükəsi nədir?”, - o sual edib.
İki dəqiqəlik müşavirədən sonra məhkəmə apellyasiyanın təmin olunmadığını bildirib. Müdafiə tərəfi Ali Məhkəməyə kassasiya şikayəti vermək niyyətindədir.
Qeyd edək ki, A.Yusifli fəal müxalifətçidir və AXCP mitinqlərinin təşkilatçılarından biridir. Məhz buna görə də onu həbs etmək istəyirlər, onun AXCP-dən olan tərəfdaşları belə hesab edirlər.-06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz