Bakı/08.11.19/Turan: Bu gün Bakı Apellyasiya Məhkəməsi Azərbaycan Xalq Cəbhəsi Partiyasının (AXCP) fəalı, 30 sutka həbs edilmiş Emin Manıyevin şikayətinə baxıb.
O 10 gün öncə digər fəalların işləri üzrə prosesə gəldiyində həmin məhkəmə binasının qarşısında saxlanılıb.
Həmin gün Yasamal Rayon Məhkəməsi onu inzibati qaydada 30 sutka həbs edib. Polisin bildirdiyinə görə, E.Maniyev Apellyasiya Məhkəməsinin qarşısında “söyüş söyüb, polislər onu nizam-intizama dəvət edəndə isə onlara tabe olmayıb”.
Lakin vəkil Zibeydə Sadıqova qeyd edib ki, E.Maniyevi çox sayda şahidin gözlərinin önündə tutublar.
O, şahidlərin dindirilməsi və E.Maniyevin saxlanması ilə bağlı İnternetdə yayılan videokadrlara baxılması barədə vəsatət qaldırıb.
“Bütün bunlar sübut edir ki, Maniyev məhkəmənin binasından çıxarkən dərhal saxlanılıb və o, söyüş söyməyib, heç kimə müqavimət göstərməyib”, - vəkil bildirib.
E.Maniyev deyib ki, hələ səhərdən mülki geyimli şəxslərin onu izlədiyini hiss edib.
Vəsatətlər və şikayət təmin edilməyib.–06D—
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz