Bakı/08.11.19/Turan: Kompüter tomoqrafiyasının nəticələrinə görə, hüquq müdafiəçisi Oqtay Gülalıyevin başında gözlənildiyindən çox maye aşkar edilib. Bundan əlavə, beynin özündə zədələnmə aşkar edilib ki, bu da vəziyyəti çətinləşdirir.
Həkimlər mayeni çəkmək üçün iynə vurulmasını qərara alıblar. 06D--
* * *
2019 Noyabr 08 (Cümə) 15:46:45
Oqtay Gülalıyevə yenidən kompüter tomoqrafiyası edilib
Bakı/08.11.19 /Turan: Hüquq müdafiəçisi Oqtay Gülalıyevi süni nəfəs aparatından ayırıb, o özü nəfəs almağa başlayıb, ancaq bu, onun vəziyyətinin yaxşılaşması demək deyil. Bu barədə Turan-a onun xanımı Firəngiz Gülalıyeva bildirib. Onun sözlərinə görə, Türkiyədə müalicə olunan fəalın vəziyyəti kritik olaraq qalır. “Oqtayın beyni maye ilə doludur. Bu, çəkilməlidir ki, beyin öz işini bərpa etsin, Oqtayın vəziyyəti yaxşılaşsın. Dünən yenə KT (kompüter tomoqrafiyası) elədilər. Bu gün nəticələr məlum olmalıdır. Həkimlər bunun əsasında konsilium keçiriəcəklər və beyinə iynə təyin edəcəklər”, - F.Gülalıyeva deyib.
Oktyabrın 29-da Bakının mərkəzində tanınmış hüquq müdafiəçisi Oqtay Gülalıyevi maşın vurub. O, kəllə-beyin travması alıb, beyninə qan sızıb.
Bir neçə saatdan sonra fəal komaya düşüb. Oktyabrın 30-da Bakıda neyrocərrahiyyə əməliyyatı edilib.
O.Gülalıyevi müayinə etmək üçün noyabrın 5-də Heydər Əliyev Fondunun dəvətilə gələn türkiyəli mütəxəssislər onun müalicə üçün Türkiyəyə aparılmasını tövsiyə ediblər.
Noyabrın 6-da o, AZAL şirkətinin xüsusi reysilə İstanbula aparılıb və “Avrasiya” klinikasına yerləşdirilib.
Azərbaycanın birinci vitse-prezidenti Mehriban Əliyevanın göstərişilə O.Gülalıyevin müalicəsi ilə bağlı bütün xərcləri Heydər Əliyev Fondu öz üzərinə götürüb. -03B06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz