Apellyasiya Məhkəməsi Elçin İsmayıllını həbsdə saxlayıb
Bakı/03.06.17/Turan: Dünən jurnalist Elçin İsmayıllının həbsindən verilmiş apellyasiya şikayətinə baxılıb.
Vəkil Elçin Sadıqov bildirib ki, mayın 26-da Nəsimi rayon məhkəməsi onun həbs müddətini sentyabrın 12-nə qədər uzadıb. Müdafiə tərəfi bu qərardan şikayət verib. Amma hakim Cəmalə Ramazanovanın sədrliyi ilə Bakı Apellyasiya Məhkəməsi şikayəti təmin etməyib.
Vəkil jurnalistin həbsdə saxlanılmasını əsassız hesab edir, həm də indiyədək onun barəsində heç bir istintaq hərəkəti aparılmayıb.
Sadıqovun sözlərinə görə, İsmayıllının həbsindən ölkədaxili şikayət mexanizmləri tükənib və indi müdafiə tərəfi Avropa İnsan Hüquqları Məhkəməsinə müraciət edəcək.
Müstəqil jurnalist Elçin İsmayıllı fevralın 17-də saxlanılıb, növbəti gün isə zorla pul tələb etmə və sui-istifadə (CM-in 182 və 308-ci maddələri) ittihamı ilə həbs edilib.
Həbsin əsl səbəbi yerli hakimiyyətin tənqididir. Jurnalist özü bütün ittihamları təkzib edib, onları İsmayıllının korrupsiya və qanunsuzluğu tənqid etməsinə görə qisas adlandırıb. -06D-
-
- Analitika
- 3 İyun 2017 12:05
Cəmiyyət
-
İctimai fəal Elmir Abbasov mayın 7-də Bakı Şəhər Baş Polis İdarəsində "Abzas Media" işi üzrə ifadə verib. Bu barədə onun özü məlumat verib. Onun sözlərinə görə, ona verilən müəyyən sualları cavablandırıb.
-
Azərbaycanın lider telekommunikasiya şirkəti Azercell 2023-cü il üzrə ESG (ekologiya, sosial və idarəetmə) hesabatını təqdim edir Azercell media nümayəndələri və aidiyyatı tərəfdaşlar üçün təşkil etdiyi “Davamlı bağlantı üçün dayanıqlı inkişaf: Azercell-in illik ESG hesabatının təqdimatı” adlı tədbirində Dayanıqlılıq hesabatını ictimaiyyətə açıqladı.
-
Sumqayıt şəhər "Evdə" fərdi təhsil məktəbində yol verilən qanunsuzluqlarla bağlı vətəndaş müraciəti əsasında şəhər prokurorluğunda araşdırma aparılıb. Bu barədə Baş Prokurorluğun yaydığı məlumatda deyilir.
-
Mayın 10-da Qazaxıstanın Almatı şəhərində Azərbaycan və Ermənistan xarici işlər nazirlərinin görüşü gözlənir. Azərbaycan tərəfi görüşün gündəliyini, hələlik, açıqlamayıb. Amma Ermənistanın Xarici İşlər Nazirliyindən (XİN) yerli mediaya bildirilib ki, gündəliyə tərəflərin öhdəliklərinin təsdiqi, eləcə də regional nəqliyyat infrastrukturu və ticarət marşrutlarının bərpası ilə bağlı məsələlər daxil edilib.
Rəy yaz