Bakı/08.06.18/Turan: İyunun 8-də Bakı Apelyasiya Məhkəməsi iyunun 5-də Nərimanov Rayon Məhkəməsinin İnzibati Xətalar Məcəlləsininin 535.1-ci (Polisin qanuni tələbəinə tabe olmama) maddəsinə əsasən 30 sutka inzibati həbsə məhkum etydiyi hüquqşünas Emin Aslanın şikayətini təmin etməyib. Məhkəmə Emin Aslanı həbsdə saxlayıb.
Vəkil Elçin Sadıqov məhkəmənin qərarındaqn narazı oldğunu bildirib.
Onun sözlərinə görə, Emin Aslan məhkəmədə onun Meydan televiziyası ilə bağlı dindirildiyini bildirib.
Elçin Sadıqov deyib ki, həbs qərarında Emin Aslanın iyunun 4-də gecə saat 23:30-da Nərimanov adına istirahət parkında tutulduğu yazılıb.
"Qərarda yazılıb ki, guya, parkda telefonla kiminləsə söhbəti zamanı söyüş işlədib. Polis söyüşün dayandırlmasını tələb etsə də Emin Aslan məhəl qoymayıb. Amma əslində Emin Aslanı iyunun 4-də saat 17:30 radələrində Milli Parkda yerləşən "Park Bulvar" Ticarət Mərkəzinin qarşısında tutublar. Biz bunu təsdiq edən şahid ifadələri də təqdim etmişik və videogörüntülərin məhkəməyə təqdim edilməsi barədə vəsatət qaldırmışıq", o qeyd edib.
Vəkilin sözlərinə görə, məhkəmə müdafiə tərəfinin 8 vəsatətinin heç birini təmin etməyib.
Bununla yanaşı, hüuq müdafiəçisi Anar Məmmədli jurnalistlərə bildirib ki, Emin Aslana Meydan.tv saytında dərc olunan məqalələri, tərcümələrinin meydan televiziyasının saytında dərc olunması, hüquqşünas kimi fəaliyyəti barədə suallar verilib.
"Bütün bunlar bir daha Emin Aslanın həbsinin siyasi sifariş olduğunu təsdiq edir", Məmmədli qeyd edib.
Emin Aslan həbsindən bir neçə gün öncə ABŞ-ın Sirakuz Universitetində hüquq sahəsi üzrə təhsilini başa vuraraq Bakıya qayıdıb.
O, iyunun 4-də Bakıda mülki geyimli şəxslər tərəfindən saxlanılıb. Sosial şəbəkələrdə Emin Aslanın işgəncəyə məruz qaldığı barədə məlumatlar yer alsa da məhkəmədə o işgəncəyə məruz qalmadığını bildirib.-0--
Cəmiyyət
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
Rəy yaz