Elvin Mustafayev
Bakı/11.08.23/Turan: Bu gün Bakı Apellyasiya Məhkəməsi "Demokratiya 1918" Hərəkatı Həmkarlar İttifaqları Konfederasiyasının üzvü Elvin Mustafayevin həbsinə dair şikayətə baxıb.
Məhkəmə zamanı Mustafayev ona qarşı irəli sürülən ittihamı rədd edib.
Müdafiə tərəfi saxlanma zamanı Mustafayevin hüquqlarının pozulduğunu və onun günahına dair ilkin səhih sübutların olmadığını göstərib.
Lakin məhkəmə şikayəti təmin etməyib.
Müdafiə tərəfi qətimkan tədbirinin ev həbsilə dəyişdirilməsi barədə yeni vəsatət qaldıracaq, "Demokratiya 1918" Hərəkatının rəhbəri Əhməd Məmmədli bildirib.
Mustafayev avqustun 4-də saxlanılıb. Üç gündən sonra Daxili İşlər Nazirliyinin nümayəndəsi bildirib ki, o, Azərbaycan Cinayət Məcəlləsinin 234.4.3-cü maddəsində (külli miqdarda narkotik vasitənin qanunsuz dövriyyəsi) nəzərdə tutulan əməlləri törətməkdə ittiham olunaraq 4 ay müddətinə həbs cəzasına məhkum edilib.
"Demokratiya 1918" Hərəkatında hesab edirlər ki, əslində Mustafayevin həbsi Kuryer Birliyi Həmkarlar İttifaqındakı fəallığı, əsasən avqustun 1-də onların etiraz aksiyası ilə bağlıdır.
Həmin gün "Demokratiya 1918" Hərəkatı Həmkarlar İttifaqları Konfederasiyasının rəhbəri Afiyəddin Məmmədov da saxlanılıb. Avqustun 2-də məhkəmə onu "polisə tabe olmadığına" və "xırda xuliqanlığa" görə inzibati qaydada 30 sutka həbs edib. 03B06
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz