Bakı/07.11.19/Turan: Bu gün Bakı Apellyasiya Məhkəməsi Azərbaycan Xalq Cəbhəsi Partiyasının (AXCP) fəalı, polisə tabe olmamaq ittihamı ilə 30 sutka həbs olunmuş Fuad Qəhrəmanlının inzibati həbsi ilə əlaqədar şikayəti təmin etməyib.
Proses zamanı o bildirib ki, Nəsimi Rayon Məhkəməsi obyektiv araşdırma aparmayıb.
Əsasən məhkəmə saxlanma yerində videomüşahidə kameralarından qeydlərə baxılması, onun həqiqətən mobil telefonla danışıb –danışmamasının yoxlanılması üçün mobil rabirə operatoruna sorğu göndərilməsi barədə vəsatətləri təmin etməyib.
“Bütün bunlar ölkədə siyasi repressiyaların, AXCP fəallarının təqib edilməsinin göstəricisidir. Həmçinin bunda məqsəd mitinqdə iştirak etməmək üçün adamları qorxutmaqdır. Amma onlar (hakimiyyət) yanılır. Həbslərlə artan narazılığın qarşısını almaq mümkün olmayacaq”, - F.Qəhrəmanlı bildirib.
O bildirib ki, həbsilə bağlı Avropa İnsan Hüquqları Məhkəməsinə şikayət edəcək.
F.Qəhrəmanlı oktyabrın 31-də saxlanılıb və həmin gün İnzibati Xətalar Məcəlləsinin 535.1-ci maddəsi (polisə tabe olmamaq) ilə 30 sutka həbs edilib.
Polisin bildirməsinə görə, o, küçədə telefonla danışarkən yüksək səslə söyüş söyub, polislər onu nizam-intizama çağıranda onların iradlarına məhəl qoymayıb.-16d-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz