Bakı/07.11.19/Turan: İmişli rayonunda yaşayan jurnalist və fəal Məhbub Zülfüqarlının noyabrın 6-da İmişli şəhərində onun maşınla vurulmasına cəhd olunduğu barədə iddiaları ilə bağlı Azərbaycan DİN-in mətbuat xidmətindən Turan agentliyinə təkzib daxil olub.
Təkzib yazısında qeyd olunur ki, Zülfüqarlının mətbuata verdiyi bəyanatlarla əlaqədar küçə boyunca yerləşən nəzarət kameralarına baxış keçirilib, ətrafdakı iaşə obyektlərində işləyənlərlə, həmçinin İmişli Rayon Poçt şöbəsinin qarşısında dayanan mühafizə bölməsi əməkdaşları ilə sorğular aparılıb, həmin vaxt göstərilən ünvanda hər hansı bir insidentin olmadığı müəyyən edilib.
Bundan başqa, göstərilən ünvan küçənin başlanğıcı olduğundan həmin ərazidə avtomobili yüksək sürətlə idarə etmək mümkün deyil. “Həmin şəxsin iddiaları öz fantaziyasının məhsulu olmaqla, böhtan xarakterlidir”, deyə DİN-in mətbuat xidmətinin məlumatında bildirilir.
DİN-in məlumatına görə, Zülfüqarlı “tez-tez qəzet və saytlarda həqiqətə uyğun olmayan məqalələr dərc etdirərək bununla özünü gündəmdə saxlamağa çalışır”
Həmçinin, xatırladılır ki, Zülfüqarlı 2017-ci ilin iyulunda böhtan ittihamı ilə 5 ay müddətinə azadlıqdan məhrum edilib. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz