![Apellyasiya Məhkəməsi gənc fəalı həbsdə saxlayıb](https://turan.az/resized/750/500/resize/media/2017/main/051800001541.jpg)
Apellyasiya Məhkəməsi gənc fəalı həbsdə saxlayıb
Bakı/18.05.17/Turan: Cümə axşamı Bakı Apellyasiya Məhkəməsində NİDA Hərəkatının fəalı, qanunsuz narkotik maddə ittihamı ilə 5,5 il müddətinə azadlıqdan məhrum edilmiş Elgiz Qəhrəmanın şikayətinə baxılması başa çatıb.
İclasın əvvəlində müdafiə tərəfinin vəsatətilə E.Qəhrəmanın vəkillərlə yanaşı əyləşməsinə icazə verilib, ancaq 20 dəqiqədən sonra onun əlindən qandalı açıblar.
Vəkillər hakim və prokurora testlər toplusunu təqdim edib ki, bunu da E.Qəhrəman öz rəyində yazıb və bu, gəncin narkotik maddə alveri ilə məşğul olmadığını göstərir.
Lakin hakimlərdən biri Camal Ramazanov nümayişkaranə şəkildə kitabı qəbul etməkdən imtina edib.
Vəkil Fariz Namazlı birinci məhkəmə instansiyasının hökmünü qanunsuz adlandırıb və sübutlara əsaslanmadığını bildirib.
O, diqqəti ona yönəldib ki, E.Qəhrəmanın mənzilində axtarış zamanı guya oradan türkiyəli din xadimi Fətullah Gülənin iki kitabını aşkar ediblər.
Vəkilin sözlərinə görə, öncə E.Qəhrəmanı Gülənçilərə qarşı kampaniya çərçivəsində məsuliyyətə cəlb etmək istəyiblər. Ancaq sonradan, görünür, narkotik maddə üzərində dayanmaq qərarına gəliblər.
Vəkil qeyd edib ki, işdə narkotik maddə alverində ittiham üzrə məsuliyyətə cəlb edilmək və həbs əlamətləri yoxdur. Belə ki, narkotik maddənin mənbəyi müəyyən edilməyib, saxlanma və satış əlamətləri yoxdur, narkotik maddə alverinin törədilməsi üçün maddi sübutlar aşkar edilməyib.
Sonra vəkil deyib ki, E.Qəhrəman ilkin ifadəsini işgəncə altında verib. Onu qanunsuz olaraq altı gün DİN Baş Mütəşəkkil Cinayətkarlıqla Mübarizə İdarəsində saxlayıblar.
Sonradan E.Qəhrəman ifadəsindən imtina edib. Vəkil yuxarıda deyilənləri nəzərə alaraq E.Qəhrəmana bəraət verilməsini xahiş edib.
Digər vəkil Nemət Kərimli birinci məhkəmə instansiyasının hökmünün əsassız olduğunu, sübutlara əsaslanmadığını deyib.
E.Qəhrəman deyib ki, 2004-cü ildə Türkiyədə ali məktəb bitirib. Onda narkotik maddə olmayıb. Narkotik maddəni onun üzərinə BMCMİ-nin əməkdaşı Şahlar Cəfərov qoyub.
E.Qəhrəman bildirib ki, Gülənin kitablarını da polis əməkdaşları "tapıblar". E.Qəhrəman deyib ki, kitablardan biri rus dilində olub və o, rus dilini bilmir.
O həmçinin deyib ki, avqustun 12-də saxlanılıb və istintaqın bildirdiyi kimi, avqustun 13-də mənzilində axtarışda iştirak edə bilməzdi. BMCMİ-də onu məcbur ediblər ki, həbslə bağlı apellyasiyadan imtina ərizəsi yazsın.
Bununla belə, hakim heyəti məşvərətdən sonra şikayətin təmin olunmadığını bildirib. Müdafiə tərəfi Ali Məhkəməyə kassasiya şikayəti verəcək.
Xatırladaq ki, E.Qəhrəman 2016-cı il avqustun 12-də külli miqdarda qanunsuz narkotik maddə dövriyyəsində ittiham olunaraq həbs edilib. 2017-ci il yanvarın 16-da Bakı Ağır Cinayətlər Məhkəməsi onu 5,5 il müddətinə azadlıqdan məhrum edib.
NİDA Hərəkatı E.Qəhrəmanın siyasi motivlərlə həbs olunduğunu bildirib və hesab edir ki, həbsin əsl səbəbi Facebook-da prezident İlham Əliyevin oğlunun görkəmli dövlət xadimi Şah İsmayıl Xətai ilə müqayisə olunmasına rişxəndlə yanaşmasıdır.
E.Qəhrəman yerli hüquq- müdafiə təşkilatları tərəfindən siyasi məhbus kimi tanınıb.-03C06-
-
- Siyasət
- 18 May 2017 12:27
-
- İqtisadiyyat
- 18 May 2017 13:25
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz